Қызылорда облыстық сайлау комиссиясының хабарламасы

Қазақстан Республикасы Парламенті Сенаты депутаттарының кезекті сайлауын әзірлеу және өткізу жөніндегі негізгі іс-шаралардың күнтізбелік жоспарына сәйкес 12 шілде күнгі жергілікті уақыт бойынша сағат 18-00 де Сенат депутаттығына кандидаттарды ұсыну мерзімі аяқталды.
Сайлау науқаны кезеңінде Қызылорда облысынан Парламент Сенатының депутаттығына барлығы 5 кандидат ұсынылды: Альназарова Ақмарал Шәріпбайқызы, Қайруллаев Айдын Бөкенбайұлы, Сәрсенбаев Мұрат Абайұлы, Сермағамбетов Серік Сағитжанұлы, Шағыртаев Имамзада Қуанышбайұлы.
Сайлау комиссиясы әрбір кандидаттың Конституцияның және Конституциялық заңның талаптарына сәйкестігін анықтап, қажетті хаттамаларды жасады.
Кандидаттардың барлығы өзін-өзі ұсыну құқығын пайдаланған, мәслихаттардан кандидат ұсынылған жоқ.
Кандаттарды ұсыну кезеңінде сайлау заңнамасын түсіндіру, сайлау заңнамасын бұзғаны үшін, сайлау комиссиясының іс-әрекетіне (әрекетсіздігіне) өтініштер түскен жоқ.

Қызылорда облыстық сайлау комиссиясы
2020 жылғы 12 шілде