Қызылорда облысының 2023 жылдың қаңтар-желтоқсан айларындағы әлеуметтік-экономикалық даму қорытындылары

Облыс аумағының ауданы 226 мың шаршы шақырымды құрайды.
2023 жылдың 1 желтоқсанына халық саны – 841,4 мың адам, оның ішінде қалалық-394,9 мың адам (46,9%).
Облыс 7 ауданнан, облыстық маңыздағы 1 қаладан (Қызылорда) және аудандық маңыздағы 2 қаладан (Арал, Қазалы) тұрады.
Ұлттық құрамы: қазақтар – 96,1%, орыстар – 1,5%, кәрістер – 1% және басқалары – 1,4%.
Өнеркәсіп өндірісінің көлемі 1023,9 млрд.теңгені құрады, НКИ 103,6%.
Өңдеу өнеркәсібі өндірісінің көлемі 307,8 млрд.теңгені құрады, НКИ 133,5%.
2023 жылы Бірыңғай индустрияландыру картасы аясында жалпы құны 3,0 млрд. теңгені құрайтын, 175 жұмыс орындары құрылатын 2 жоба жүзеге асырылған.
Ауыл шаруашылығының жалпы өнім көлемі 224,0 млрд. теңгені құрады немесе 2022 жылдың сәйкес кезеңіне 103,7%-ды құрады.
Негізгі капиталға салынған инвестициялар көлемі 14,2%-ға ұлғайып, 486,5 млрд.теңгені құрады.
Құрылыс жұмыстарының көлемі 183,5 млрд. теңгені құрады, немесе 2022 жылдың тиісті кезеңіне 140,4%. 740,7 мың шаршы метр тұрғын үй пайдалануға берілді (өсім 8,4%).
Сауда көлемі 4,7% -ға артып, 744,2 млрд.теңгені құрады.
Жұмыс жасап тұрған шағын және орта бизнес субъектілерінің саны 67,2 мың бірлікті құрады, өткен жылдың сәйкес кезеңіне НКИ-100,1%.
Кәсіпкерлікті дамыту жөніндегі 2021-2025 жылдарға арналған ұлттық жоба аясында 2023 жылға – 8,4 млрд.теңге бөлінді.
Жергілікті бюджетке 109 539,7 млн. теңге өз кірістері түсті, бұл 2022 жылмен салыстырғанда 38,9%-ға ұлғайып немесе 30 698,2 млн.теңгеге артқан.