Баспасөз-релизі

2020 жылғы 25 маусымда онлайн режимде республика бойынша барлық аумақтық сайлау комиссияларының бейнеконференцбайланысы арқылы қатысуымен Қазақстан Республикасы Орталық сайлау комиссиясының отырысы өтті.
ҚР ОСК қаулысымен ҚР Парламенті Сенатының депутаттығына кандидаттың республикалық бюджет қаражатынан өтелетін шығыстарын 450 000 теңге көлемінде белгіледі: 1) теледидардан, радиодан бағдарламамен сөз сөйлеу және мерзімді баспа басылымдарында 2 мақала жариялау үшін - 300 000 теңге; 2) сайлау алдындағы көпшілік іс-шараларды өткізу және үгіт материалдарын шығару үшін - 70 000 теңге; 3) көлік шығындары үшін - 80 000 теңге.
Сондай-ақ, отырыста "ҚР Парламенті Сенаты депутаттарының сайлауын өткізу кезінде ҚР Орталық сайлау комиссиясының Интернет-ресурсының функционалын пайдалану регламентін бекіту туралы" қаулысы қабылданды.
Регламентке сәйкес Ортсайлауком интернет-ресурсының функционалы таңдаушыларды - мәслихат депутаттарын тіркеу және дауыс берудің алдын ала қорытындыларын онлайн режимде шығару үшін пайдаланылатын болады.

Қызылорда облыстық сайлау комиссиясы
25.06.2020 ж.