2023 жылғы 19 наурызға тағайындалған Қазақстан Республикасы Парламенті Мәжілісі мен мәслихаттары депутаттарының кезектен тыс сайлауында азаматтарды тіркеуге қатысты қабылдауды жүзеге асыру бойынша «Азаматтарға арналған үкімет» мемлекеттік корпорациясы» коммерциялық емес акционерлік қоғамының қызметкерлерін орналастыру үшін сайлау учаскелерін айқындау туралы

«Қазақстан Республикасындағы сайлау туралы» Қазақстан Республикасының Конституциялық заңының 24, 25, 26 - баптарына сәйкес және Қазақстан Республикасы Орталық сайлау комиссиясының 2023 жылғы 7 наурыздағы № 57/749 бірлескен қаулысын, Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы  7 наурыздағы № 81/нқ бұйрығын және Қазақстан Республикасы Ішкі істер министрінің 2023 жылғы 7 наурыздағы №209 бұйрығын басшылыққа алып, Қызылорда облыстық сайлау комиссиясы ҚАУЛЫ ЕТЕДІ және Қызылорда облысы әкімінің аппараты БҰЙЫРАДЫ:

1. 2023 жылғы 19 наурызға тағайындалған Қазақстан Республикасы Парламенті Мәжілісі мен мәслихаттары депутаттарының кезектен тыс сайлауында азаматтарды тіркеу үшін қабылдауды жүзеге асыру бойынша «Азаматтарға арналған үкімет» мемлекеттік корпорациясы» коммерциялық емес акционерлік қоғамының қызметкерлерін орналастыру үшін осы қаулының қосымшасына сәйкес Қызылорда қаласының сайлау учаскелері айқындалсын.
2. Осы бірлескен қаулы және бұйрық Қазақстан Республикасының Орталық сайлау комиссиясына, Қызылорда қаласының аумақтық сайлау комиссиясына жіберілсін.

Қызылорда облыстық сайлау

комиссиясының төрағасы                                                                                                                                               Ә.Ерсұлтанов

Қызылорда облысы әкімі

аппаратының басшысы                                                                                                                                                   Ш.Байманов

Қызылорда қаласы

2023 жылғы 9 наурыз

№ОСК-226/496