Пайдаланылмайтын және Қазақстан Республикасының заңнамасын бұза отырып берілген жерлерді алып қою жөнінде жұмыс комиссиясын құру туралы

Қазақстан Республикасы Премьер-Министрінің 2022 жылғы 28 сәуірдегі № 90-ө өкімі

      Қазақстан Республикасы Президентінің 2022 жылғы 28 наурыздағы пайдаланылмайтын және Қазақстан Республикасының заңнамасын бұза отырып берілген жерлерді алып қою жөнінде жұмыс комиссиясын құру туралы тапсырмасын іске асыру мақсатында:

1. Осы өкімге қосымшаға сәйкес құрамда Пайдаланылмайтын және Қазақстан Республикасының заңнамасын бұза отырып берілген жерлерді алып қою жөніндегі жұмыс комиссиясы (бұдан әрі – жұмыс комиссиясы) құрылсын.
2. Жұмыс комиссиясы пайдаланылмайтын және Қазақстан Республикасының заңнамасын бұза отырып берілген жерлерді анықтау және алып қою жөнінде ұсыныстар әзірлесін.
3. Жұмыс комиссиясы атқарылған жұмыс туралы Қазақстан Республикасы Президентінің Әкімшілігіне 2025 жылға дейін тоқсан сайын хабарлап отырсын.
4. Осы өкімнің орындалуын бақылау Қазақстан Республикасы Премьер-Министрінің бірінші орынбасары Р.В. Склярға жүктелсін.

Премьер-Министр		Ә. Смайылов
	Қазақстан Республикасы Премьер-Министрінің 2022 жылғы 28 сәуірдегі № 90-ө өкімімен бекітілген

 Пайдаланылмайтын және Қазақстан Республикасының заңнамасын бұза отырып берілген жерлерді алып қою жөніндегі жұмыс комиссиясының құрамы

      Қазақстан Республикасы Премьер-Министрінің бірінші орынбасары, басшы

      Қазақстан Республикасының Ауыл шаруашылығы министрі, басшының орынбасары

      Қазақстан Республикасы Ауыл шаруашылығы министрлігінің Жер ресурстарын басқару комитетінің төрағасы, хатшы

      Қазақстан Республикасының Ұлттық экономика бірінші вице-министрі

      Қазақстан Республикасының Ауыл шаруашылығы вице-министрі

      Қазақстан Республикасының Қаржы вице-министрі

      Қазақстан Республикасының Цифрлық даму, инновациялар және аэроғарыш өнеркәсібі вице-министрі

      Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының орынбасары (келісу бойынша)

      Қазақстан Республикасы Бас прокуратурасының Қоғамдық мүдделерді қорғау қызметі бастығының орынбасары – экономика саласындағы қадағалау басқармасының бастығы (келісу бойынша)

      Қазақстан Республикасы Ұлттық қауіпсіздік комитетінің Экономикалық қауіпсіздік департаменті бастығының бірінші орынбасары (келісу бойынша)

      облыстардың әкімдерінің орынбасарлары

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК