Партиялық тізімдер бойынша сайланатын Қазақстан Республикасы мәслихаттарының депутаттығына кандидаттарды ұсыну кезінде құжаттар тізбесі

ҚҰЖАТТАР ТІЗБЕСІ

1) саяси партияның жоғары органының шешімі - саяси партияның жоғары органы мүшелерінің және партиялық тізімге енгізу үшін берілген дауыстардың жалпы санын көрсете отырып, партиялық тізімді ұсыну туралы саяси партияның жоғары органының хаттамасынан үзінді;

2) уәкілетті органда саяси партияның тіркеу туралы құжаттың көшірмесі;

3) партиялық тізім (электрондық (Excel форматында) және қағаз тасымалдағыштарда);

4) азаматтардың партиялық тізімге енгізілуге келісімі туралы өтініші;

5) партиялық тізімге енгізілген әрбір адам туралы өмірбаяндық деректер;

6) партиялық тізімге енгізілген адамның осы тізімді ұсынған саяси партияға мүшелігін растайтын құжат;

7) партиялық тізімге енгізілген азаматтардың жеке басын растайтын құжаттардың көшірмесі.

тіркеу кезінде

8) кандидат пен оның жұбайының (зайыбының) 2023 жылғы 1 қаңтарға активтері мен міндеттемелері туралы декларацияларды тапсырғаны туралы мемлекеттік кірістер органының анықтамасы;

9) саяси партияның партиялық тізімге енгізілген әрбір адам үшін сайлау жарнасын енгізгенін растайтын құжат (350 000 теңге, 5 ЕТЖ = 70 000*5)

Партиялық тізімді Қызылорда облыстық сайлау комиссиясына өкілеттіктері тиісті құжаттармен расталған саяси партияның өкілі ұсынады.

Тіркеуге бір саяси партиядан бір ғана тізім жіберіледі.

Партиялық тізімде екі санат өкілдерінің: әйелдердің, жастардың саны жиынтығында оған енгізілген адамдардың жалпы санының кемінде отыз пайызын құрауға тиіс.

Саяси партиялар адамдарды партиялық тізімге орналастыру тәртібін дербес айқындайды.

Саяси партиядын мәслихат депутаттығына сайлау үшін партиялық тізімге енгізілген адам бірмандаттық аумақтық сайлау округтері бойынша ұсынылуға құқығы жоқ.

Құжаттар Қызылорда облыстық сайлау комиссиясына ұсынылады