Сенат депутаттығына кандидаттарды тіркеу қорытындылары туралы

Қызылорда облысынан Сенат депутаттығына 8 кандидат ұсынылды.

Түрлі себептермен  5  кандидат шығып қалды, соның ішінде:

Жеңісбек Төлепбергенұлы Бердешов Конституция мен Cайлау туралы Конституциялық заңның талаптарына сәйкес келмеді; Науырзбай Сейткалиевич Байқадамов тіркеу үшін көзделген құжаттардың барлық тізбесін ұсынбады; Нұрғали Рахымшаұлы Қордабай таңдаушылар дауыстарының қажетті санына ие болмады; Мұрат Жолкелдіұлы Тлеумбетов және Жасұлан Бақытұлы Жарасбаев жеке өтініштері бойынша өз кандидатураларын алып тастады.

Кандидаттарды тіркеу мерізімінің аяқталу сәті - 24 желтоқсан күнгі сағат 18.00 жағдай бойынша барлығы 3 кандидат тіркелді: өзін-өзі ұсынған, 1968 жылы туылған, қазақ, Қызылорда облысының  мәдениет және спорт басқармасының басшысы, «AMANAT» партиясының мүшесі, Қызылорда қаласында тұратын Руслан Рустемов, өзін-өзі ұсынған, 1957 жылы туылған, қазақ, «Қызылорда сушар» өндірістік учаскесінің басшысы, «AMANAT» партиясының мүшесі, Қызылорда қаласында тұратын Жорабек Ибрагимович Нурымбетов, өзін-өзі ұсынған, 1978 жылы туылған, қазақ, Қызылорда қаласының әкімі, «AMANAT» партиясының мүшесі, Қызылорда қаласында тұратын Асылбек Өмірбекұлы Шаменов.

Облыстық сайлау комиссиясының кандидаттар тіркелгеннен кейін Мемлекеттік кірістер департаментіне активтері мен міндеттемелері туралы мәліметтердің дұрыстығын тексеруге жолдаған сұрау салуларына 3 кандидаттың мәліметтерінде ауытқушылықтың болмауы туралы жауап келді.

Тіркелген кандидаттардың сапалық құрамы:

кандидаттардың 3 ерлер;

кәсіп түрі бойынша: 1 әкім, 1 мемлекеттік кәсіпорынның қызметкері, сонымен бір уақытта мәслихаттың депутаты, 1 мемлекеттік қызметші;

мамандықтары бойынша: 1-инженер, 1 туризм саласының маманы,                     1 оқытушы. Бұл ретте 1 кандидаттың бірнеше мамандығы бар.

Кандидаттардың орташа жасы – 54 жас.

 

2022 жылғы 24 желтоқсандағы жағдай бойынша облыстық сайлау комиссиясына  өтініш, шағым түскен жоқ.

Тіркелген кандидаттардың таңдаушылармен кездесу кестесі жасалды және бұқаралық ақпарат құралдарында жарияланды.