2022 жылғы 18 желтоқсандағы Қызылорда қаласының Ақжарма ауылдық округінің әкімі сайлауының қорытындысы

2022 жылғы 18 желтоқсанда өткен Қызылорда қаласының Ақжарма ауылдық округі әкімінің сайлауы жарамды болып танылды.  

Құрылған сайлау округі бойынша тізімге барлығы 1301 адам енгізілген. Дауыс беруге қатысқан 1172 адам, есептен шығару куәлігі бойынша дауыс бергендер – 0, дауыс беру үй-жайынан тыс жерде дауыс бергендер – 7. «Бәріне қарсы» белгіленген бюллетеньдер саны – 25, жарамсыз болып танылған бюллетеньдер саны – 3.

Кандидаттыққа ұсынылған 5 адамның 3-і сайлау бюллетендеріне енгізілді. Дауыс беру қорытындысымен кандидат С. Б. Әбдреевке - 948, кандидат А. О. Жусіповке – 69, кандидат Ф. Т. Қалыбековке – 127 дауыс берілді.

Нәтижесінде Ақжарма ауылдық округінің әкімі болып Әбдреев Саттар Бейбітұлы сайланды, 1976 ж.т., «Байқоңыр» ӘКК» АҚ жетекші менеджері, өзін-өзі ұсынған, Қызылорда қаласында тұрады, ұлты қазақ.