Осы сыбайлас жемқорлыққа қарсы стандарт «Сыбайлас жемқорлыққа қарсы іс-қимыл туралы» Қазақстан Республикасы Заңының 10-бабына сәйкес Қызылорда облысы әкімі аппаратының қызметкерлері арасында сыбайлас жемқорлық көріністерін болдырмауды арттыру және сыбайлас жемқорлық көріністеріне мүлдем төзбеушілік қағидатын қалыптастыру мақсатында әзірленген.
3.1. Сыбайлас жемқорлыққа қарсы стандарттармен қозғалатын салада жеке және заңды тұлғалардың құқықтары мен заңды мүдделерін іске асыру;
3.2. Заңдылық қағидаттарын, Қазақстан Республикасы Конституцияның, заңдары мен өзге де нормативтік құқықтық актілерінің талаптарын басшылыққа алу;
3.3. Азаматтар мен заңды тұлғалар құқықтарының, бостандықтары мен заңды мүдделерiнiң сақталуын және қорғалуын қамтамасыз ету, азаматтардың өтiнiштерiн заңнамада белгіленген тәртiппен және мерзiмдерде қарау және олар бойынша қажеттi шаралар қабылдау;
3.4. Мемлекеттік қызметтерді тұтынушы ретінде халықтың сұрауларына толық сүйене отырып, тұрақты негізде көрсетілетін мемлекеттік қызметтердің сапасын арттыру бойынша шаралар қабылдау;
3.5. Жеке және заңды тұлғалардың құқықтары мен заңды мүдделерін қозғайтын, ашықтықты қамтамасыз ететін шешімдер қабылдау;
3.6. Лауазымдық өкілеттіктерін атқару кезінде азаматтардың жеке өмiрiн, ар-намысы мен қадiр-қасиетiн қозғайтын мәлiметтердi жария етпеуге және Қазақстан Республикасының заңдарында көзделген жағдайларды қоспағанда, олардан мұндай ақпарат берудi талап етпеуге;
3.7. Жеке сипаттағы мәселелерді шешу аясында мемлекеттік органдардың, ұйымдардың, мемлекеттік қызметкерлер мен өзге де адамдардың қызметіне ықпал ету үшін өзінің қызметтік жағдайын пайдаланбау.
4.1. Мүдделер қақтығысына жол бермеу, туындаған жағдайда заңнамаға сәйкес жою бойынша шара қолдану;
4.2. Сыбайлас жемқорлыққа қарсы әрекет етуде, сыбайлас жемқорлық құқық бұзушылықтарын ашуда белсенділік таныту;
4.3. Мүдделер қақтығысының туындағаны, қызметтік міндеттемелерін орындау кезінде жеке мүдделілін білдіргені, сыбайлас жемқорлық мінез-құлыққа түсу және сыйлықтар алу туралы белгілері пайда болған жағдайда тікелей басшысына баяндау;
4.4. Өз өкілеттіліктерін құқықтары шегінде және лауазымдық міндеттеріне сәйкес атқару;
4.5. Қарамағындағы және басқа да қызметкерлердің тарапынан сыбайлас жемқорлыққа қарсы заңнаманың нормаларын бұзу фактілеріне жол бермеу және жолын кесу;
4.6. Мүліктік және мүліктік емес пайда мен басымдылық алу мақсатында таралуға жатпайтын қызметтік және басқа да ақпаратты пайдаланбау;
4.7. Егер тағайындау туыстық қатынаста тұратын тұлғалардың (ата-анасы, жұбайы, бауыры, апа-қарындасы, балалары, жиендері, ағалары, тәтелері, әжелері, аталары, жұбайының жақын туыстары) тікелей бағынышына немесе бақылауына байланысты болса, лауазымға тағайындалудан бас тарту.
5.1. Заңдылықтың қағидаттарын, Қазақстан Республикасы Конституциясының заңдары мен өзге де нормативтік құқықтық актілерінің талаптарын басшылыққа алу, сыбайлас жемқорлыққа қарсы заңнаманы қатаң сақтау;
5.2. Қазақстан Республикасының қолданыстағы заңнамасына сәйкес құқықтық және нормативтік құқықтық актілерді қабылдау кезінде жеке және (немесе) ұжымдық мүдделер үшін дискрециялық нормалардың, қос мағыналы, жалпылама түйіндеулердің болуына, қолданыстағы заңнаманың олқы тұстары мен қайшылықтарын пайдалануға жол бермеу.
6.1. Мемлекет мүдделеріне шығын келтіретін, мемлекеттік органдардың жұмысына бөгет болатын және тиімділігіне әсер ететін әрекеттерге төтеп беру;
6.2. Заңмен белгіленген тәртіптік, әкімшілік немесе қылмыстық жауапкершілікке тартылатын қателіктер мен өзге де құқық бұзушылықтарға жол бермеу;
6.3. Іскерлік әдеп пен ресми тәртіп ережелерін сақтау;
6.4. Басқа мемлекеттік қызметкерлер тарапынан қызметтік әдеп нормаларын бұзушылығын болдырмау немесе бетін қайтару бойынша шаралар қолдану;
6.5. Ұжымда, әріптестердің ар намысы мен абыройына нұқсан келтіретін жеке және кәсіптік қасиеттерін талқылаудан ұстану.
7.1. Мемлекеттік қызметшілерге саяси партиялардың, басқа қоғамдық бірлестіктердің, діни бірлестіктер мен басқа да ұйымдардың шешімдері өзінің кәсіби қызметтік жұмысына әсер етуіне жол бермейтін бейтараптық қатынасты ұстану;
7.2. Мемлекеттік қызметшілер сайлау алдындағы үгіт үшін, сол сияқты референдум мәселесі бойынша үгіттеуде лауазымдық жағдайының басымдығын пайдаланбау;
7.3. Мемлекеттік қызметшілер саяси партиялардың, басқа қоғамдық бірлестіктердің, діни бірлестіктер мен басқа да ұйымдардың мүдделері үшін өзінің лауазымдық құзыретін пайдаланбау;
7.4. Мемлекеттік қызметшінің қызметтік мінез-құлығы конституциялық қағидаттардан туындауы керек, соған сәйкес адам, оның құқықтары мен еркі жоғары құндылық болып табылады және әрбір азамат өзінің жеке өміріне, жеке және отбасылық құпиясына қол сұққызбауға, ар-ожданы мен өзінің адал атын қорғау;
7.5. Мемлекеттік қызметшінің мінез-құлығы сыпайы болуы керек, оған адамдарға дөрекілік танытуға, өзін олардан жоғары ұстауға, намысына тиюге, қоқан-лоққы көрсетуге жол бермеу;
7.6. Мемлекеттік қызметші қарамағындағылар үшін үлгі болуы керек (адал, әділ, ымырасыз, сыпайы, ізгі ниетті, мұқият болу және азаматтармен, әріптестермен қатынаста шыдамдылық таныту);
7.7. Өзінің лауазымдық міндеттерін атқару кезінде қызмет жағдайы мен қызметтік іс-шараның форматына байланысты мемлекеттік қызметшінің сыртқы келбеті азаматтардың мемлекеттік органдарға деген құрметіне ықпал етуі, жалпы қабылданған ресми, ұстамды, дәстүрлі, ұқыпты іскерлік үлгіге сай болуы қажет.