Комиссияның негiзгi мiндеттерi:
1) Қазақстан Республикасындағы 2030 жылға дейінгі отбасылық және гендерлік саясат тұжырымдамасының және Қазақстан қатысушысы болып табылатын отбасы және гендерлік теңдік мәселелері жөніндегі халықаралық шарттардың аясында отбасына, әйелдер мен ерлердің тендігіне қатысты басымдықтарды айқындау, кешенді мемлекеттік саясатты қалыптастыру және іске асыру жөніндегі ұсынымдарды тұжырымдау;
2) мемлекеттiк органдармен және азаматтық қоғам институттарымен отбасының мүдделерiн қорғау, Бiрiккен Ұлттар Ұйымының Мыңжылдық декларациясын, Қазақстан Республикасындағы 2030 жылға дейінгі отбасылық және гендерлік саясат тұжырымдамасын iске асыру мәселелерi жөнiнде өзара iс-қимыл жасау;
3) әйелдердің жағдайы мен отбасылық-демографиялық ахуал мәселелерiн талдау және Қазақстан Республикасындағы гендерлiк және отбасылық-демографиялық саясаттың негiзгi бағыттары бойынша мемлекеттiк органдарға ұсыныстар мен ұсынымдарды тұжырымдау;

Комиссия мына жағдайларда көмектеседі:
* Экономикалық салада әйелдер мен ерлердің тең мүмкіндіктеріне қол жеткізу, әйелдер арасындағы кәсіпкерлікті одан әрі дамыту, әйелдердің еңбек нарығындағы бәсекеге қабілеттілігін арттыру;
* Отбасы мүшелерінің жұмысты үй шаруасымен және бала тәрбиесімен ұштастыруына жағдай жасау;
* Отбасы институтын нығайту, отбасылық қатынастарда әйелдер мен ерлердің тең мүмкіндіктеріне қол жеткізу;
* Халықтың денсаулығын, оның ішінде ұрпақты болу мүмкіндігін сақтау және жақсарту, өмір сүру сапасын көтеру жөніндегі шаралар кешенін әзірлеу;
* Отбасындағы және жұмыс орнындағы зорлық-зомбылықты жою және ерлерге, әйелдерге, балаларға қатысты зорлық-зомбылықпен күресудің халықаралық тәжірибесін енгізу;
* Гендерлік білім беру және халықты ағарту;
* Отбасының нақты жағдайын, қоғамның экономикалық, әлеуметтік, саяси және мәдени өміріндегі әйелдер мен ерлердің тең мүмкіндіктерін талдау мақсатында ғылыми зерттеулер жүргізу, ақпараттық базаны қалыптастыру;
* Демографиялық жағдайды жақсарту;