Жаңақорған ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің 2025 жылғы 1-тоқсандағы атқарылған жұмыстары

Қызылорда облысы Жаңақорған ауданы Жаңақорған кентінде айналма жол бойынша теміржол арқылы өтетін жол өтпесін күрделі жөндеу:

Құрылыс жұмыстарының ұзақтығы – 10 ай. 2024 жылғы   мемлекеттік сатып алу қорытындысымен 1 414 955 924,7 теңгеге келісім шарт жасалды:

Құрылыс-монтаж жұмыстарын жүргізуші: «Сервис НС» ЖШС – 1 374 424 428,27 теңге;

Техникалық қадағалаушы: «Тараз-Технопроект» ЖШС – 34 080 116,11 теңге;

Авторлық қадағалаушы: «ТОП Геодезия» ЖШС – 6 451 380,32 теңге.

2024 жылы аудандық бюджеттен 355 797,0 мың теңге қаралып, жұмыстардың 30% орындалды. Олар: көпірдің қазіргі темір қоршауын (перила) бұзу, орнын тазалау, тротуар блоктарын бұзу, орнын тазалау, деформациялық тігістері бұзу, орнын тазалау, көпірдің бетіңгі қабатындағы темірбетонды негізгі балкаға дейін  бұзу, орнын тазалау, көпірдің қазіргі шкафтық қабырғалары мен ашқыштарын бұзу, орнын тазалау, көпірге дейінгі 0,8-1,2 км аралығындағы жолдың негізіне топырақ төсеу жұмыстары.

2025 жылы аудандық бюджеттен 351 681,0 мың теңге қаралып, жөндеу жұмыстары қарқынды жүргізілуде. 2025 жылдың сәуір айының соңына дейін айналма жол салу жұмыстары жүргізілсе, маусым айының соңына дейін көпірді пайдалануға беру жоспарлануда.