Меню
Жаңақорған ауданының "Жұмыспен қамту, әлеуметтік бағдарламалар және азаматтық хал актілерін тіркеу бөлімі" коммуналдық мемлекеттік мекемесі:
- Мемлекеттік атаулы әлеуметтік көмек көрсету;
-Тұрғын үй көмегі ,үйде тәрбиеленетін және оқытылатын мүгедек балаларға төленетін материалдық көмек көрсету;
- Мемлекеттік атақтар берілген азаматтарға төленетін әлеуметтік көмек көрсету;
- Аз қамтылған отбасыларынан шыққан облыс әкімінің грантына ие болған студенттердің білім алуына төленетін әлеуметтік көмек;
- Мүгедектер мен қарттарға үйде әлеуметтік қөмек көрсету;
- Мүмкіндігі шектеулі балаларға және 18 жастан асқан адамдарға үйден әлеуметтік көмек көрсету;
- Азаматтық хал актілерін тіркеуді жүзеге асырады.
Жаңақорған ауданы бойынша 2026 жылға санаторийлік-курорттық емделу қызметі бойынша «Е-собес» базасына жеке оңалту бағдарламасына сәйкес қосымша 68 мүгедектігі бар адамнан санаторийлік-курорттық емделуге өтініш түсіп, тиісті қаржылары бөлінбей тұр.
Облыстық басқармамен санаторий-курорттық емделудің қызметіне алдағы уақытта өтетін облыстық мәслихат сессиясының қарауына қосымша қаржы бөлу жөнінде тиісті бюджеттік өтінім енгізілген.
Алдағы уақытта облыстық мәслихат сессиясының шешімімен қосымша қаржы қаралған жағдайда, санаторий-курорттық емделуге арналған қаржы белгіленген тәртіпке сәйкес тиісті бөлініспен берілетін болады.
Қазіргі таңда Министрлік жеке көмекші қызметіне ақы төлеуді Мемлекеттік корпорация арқылы жүргізуді ұйымдастыру бағытында жұмыстар атқаруда. 2026 жылдың ақпан айынан бастап бүкіл республика көлемінде жеке көмекші қызметіне ақы төлеу орындалған жұмыстар актісі негізінде, есепті кезеңнен кейінгі айдың 25-не дейін жүзеге асырылатын болады.
Дегенмен ақы төлеу мерзімін әр айдың 10-на дейін белгілеу мүмкіндігін қарастырып, төлем тәртібін оңтайландыру бойынша жұмыстар жүргізілуде.
Жаңақорған аудандық мәслихатының 2023 жылғы 13 қазандағы №94 шешіміне сәйкес бас бостандығынан айыру орындарынан босатылған адамдарға бір реттік 15 (он бес) айлық есептік көрсеткіш мөлшерінде бір адамға 64875 тенге әлеуметтік көмек көрсетіледі.