«Жаңақорған ауданының  қоғамдық даму бөлімі» коммуналдық мемлекеттік мекемесі:

- аудандағы қоғамдық-саяси жағдайларға сараптама мен мониторинг жүргізеді;

- қоғамдық ұйымдармен, діни бірлестіктермен, саяси партиялармен іс-қимылдар жүргізу;

-  аудан көлемінде мемлекеттік саясаттың жүзеге асырылуын бұқаралық ақпарат құралдары арқылы насихаттайды;

- мемлекеттік жастар саясатын жүзеге асырады;

- басқа да қоғамдық-саяси маңызы бар жұмыстарға араласады. 

Жаңақорған ауданы бойынша әділет органдары арқылы 78 үкіметтік емес ұйымдар тіркелген. Оның ішінде, Қоғамдық бірлестіктер – 16, Қоғамдық қорлар - 18 және өңірлердегі республикалық, облыстық деңгейдегі қоғамдық қорлар мен ұйымдардың филиалдары - 9, діни бірлестіктердің филиалдары (мешіттер) - 35. 7 үкіметтік емес ұйым мүмкіндігі шектеулі азаматтарды қолдау, 10 ҮЕҰ жастар мен жасөспірімдердің құқығын қорғау, 3 үкіметтік емес ұйым ардагерлер жұмысын үйлестіру, 9 үкіметтік емес ұйым қайырымдылық бағытындағы жұмыстарды үйлестіруде. 1 еріктілер қоры және түрлі бағыттарда 12 қоғамдық ұйымдар бар.

Ақпарат үшін: 2023 жылдың II тоқсанында аудан тұрғындары арасында жүргізілген әлеуметтік зерттеу қорытындысына сәйкес, «Сіз аудандағы қоғамдық-саяси ахуалды қалай бағалайсыз?» деген сауалға сауалнамаға қатысушылардың 77.4%-ы «тұрақты»,14.1%-ы «тұрақсыз» деп бағалаған. 2022 жыл көрсеткішімен салыстырғанда тұрғындардың  қоғамдық саяси ахуалды тұрақсыз деп бағалағандардың үлесі 2,4 пайызға артқан.