2023 жылдың ІI тоқсанына жастардың әлеуметтік – демографиялық сипаттамасын зерделеу барысында 14-35 жас аралығындағы 27627 жас (2022 жылы 14-28 жас аралығы -18 939 жас) анықталып, аудан тұрғындарының (жалпы халық саны - 83000) 31,6 пайызын құрап отыр. Оның ішінде ауылдық округтердегі жастар саны -  16635 жас, Жаңақорған кенті жастары – 10992 жас.

Ауданда жастардың әлеуметтік және тұлғалық дамуына жәрдемдесу және жастар ұйымдарына қолдау көрсету бағытында Жаңақорған аудандық жастар ресурстық орталығы мекемесі жұмыс жасайды. Ауданда жастар саясатын жүзеге асыру, жастарды қолдау  бағытында 2023 жылға жергілікті бюджеттен 28,318 мың теңге (2022 ж. 23 883,0 мың теңге), оның ішінде мемлекеттік әлеуметтік тапсырыс шеңберінде 3 жобаға (2022 жылы – 2 жоба) 5 805,0 мың теңге (2022 жылы – 5 636,0 мың. теңге) бөлінді. Мемлекеттік әлеуметтік тапсырыс аясында жарияланған жобаларға «Қызылорда облысының жастар одақтары» қоғамдық бірлестігі жеңімпаз болып табылды. Жыл басынан бері «Жастар ресурстық орталығы» КММ-нің ұйымдастыруымен әр түрлі бағытта 87 шара ұйымдастырылып, барлығы 2265 жас қамтылған. (2022 жылы барлығы 152-ге жуық шара өтіліп, 3256-ға жуық жастар қамтылды)  Ағымдағы жылы жастар орталығанан мемлекеттік бағдарламаларға байланысты кеңес алған жастардың саны – 760 жасты құрап отыр. Сондай-ақ, мамыр айында  аудан әкімі М.Тлеумбетов ауданның белсенді жастармен  «Жаңақорған- жалынды жастар мекені» атты  аудандық жастар слетінде кездесті. шара облыстық телеарна арқылы ақпараттандырылды.