Меню
Жер учаскелерін игеру бойынша:
Жыл басынан бері пайдалану мерзімі аяқталған ауыл шаруашылығы мақсатында көлемі 2732,0 гектар болатын 13 жер учаскесі мемлекет меншігіне қайтарылды.
Бұдан бөлек, ауыл шаруашылығы мақсатында көлемі 5045,0 гектар болатын 18 жер учаскесі бойынша мал басы тіркелмегендігі анықталып, облыстық жер ресурстарын басқару департаментіне жолданып, жер пайдаланушыларға бір жылға жер учаскесін игеру жөнінде нұсқама берілді.
Жаңақорған кенті бойынша кәсіпкерлік бағытта пайдаланылмай отырған
22 жер учаскесі облыстық жер ресурстарын басқару департаментіне жолданып, меншік иелеріне бір жылға жер учаскесін игеру жөнінде нұсқама берілді.
Сонымен қатар, жер учаскесін өз бетінше иеленген 6 тұлға бойынша ақпарат облыстық жер ресурстарын басқару департаментіне жолданып, меншік иелеріне айыппұлдар салынды.
Жер кезегі бойынша:
Жаңақорған ауданында жеке тұрғын үй құрылысын салу үшін жер кезегі Жаңақорған кентінде қалыптасқан және қазіргі таңда 11 600 адам кезекке тіркеліп тұр.
ҚР Жер кодексіне сәйкес, жер учаскелерін ақысыз түрде алуға болады. Заңда жердің көлемі де белгіленген:
1) ауылдық жерлерде жеке қосалқы шаруашылығын жүргізу үшін (үй және егістік алқаптарын қоса алғанда) — суарылмайтын жерлерде 0,25 га және суармалы жерлерде 0,15 га;
2) жеке тұрғын үй құрылысы үшін 0,10 га;
3) бағбандық, сондай-ақ саяжай құрылысы үшiн - 0,12 гектар.
4) Бау-бақша шаруашылығын жүргізу үшін жер учаскелері Қазақстан Республикасының азаматтарына уақытша өтеусіз жер пайдалану құқығымен 1 гектардан аспайтын мөлшерде беріледі.
Жер телімі берілгенімен, инженерлік инфрақұрылымның жүргізілуі жергілікті атқарушы органдардың жоспарлауына байланысты кезең-кезеңімен жүзеге асырылады.
Шекара жер кадастры құжаттары мен геодезиялық өлшеу арқылы анықталады. Даулы жағдайлар алдымен жер қатынастары органында, шешілмесе сот тәртібімен қаралады.