Жалағаш аудандық сайлау комиссиясының хабары

Жалағаш аудандық сайлау комиссиясының 2022 жылғы 25 ақпандағы №АСК-01/107 қаулысымен Жаңадария ауылдық округі әкімін сайлау жөніндегі осы ауылдық округтің шекарасында Жаңадария сайлау округі құрылды.

 «Қазақстан Республикасындағы сайлау туралы» Қазақстан Республикасы Конституциялық Заңының 113-1-бабына сәйкес Жалағаш аудандық сайлау комиссиясының 2022 жылғы 25 ақпандағы № АСК- 01/108 қаулысымен өкілеттік мерзімінің аяқталуына байланысты Жаңадария ауылдық округінің әкімін төте сайлау 2022 жылғы 27 наурызға тағайындалды.

Жаңадария ауылдық округі әкімінің сайлауын әзірлеу мен өткізу жөніндегі негізгі іс-шаралардың күнтізбелік жоспары бекітілді.

Кандидаттарды ұсыну 2022 жылдың 26 ақпанынан басталады және 2022 жылдың 12 наурызында, сағат 18.00-де аяқталады.

Кандидаттарды тіркеу барлық қажетті құжаттар алынғаннан кейін басталады және 2022 жылдың 17 наурызында, сағат 18.00-де аяқталады.

Жалағаш аудандық сайлау комиссиясының орналасқан мекен-жайы: 120200, Жалағаш кенті, Желтоқсан көшесі, №32, Аудандық мемлекеттік кірістер басқармасының ғимараты, байланыс телефоны: 31-7-19, электронды поштасы jalsay2019@mail.kz.