Жалағаш ауданындағы коммерциялық емес ұйымдар мен азаматтардың назарына!

Жалағаш  ауданының Қоғамдық кеңесін (бұдан әрі Қоғамдық кеңес) қалыптастыру жөніндегі жұмыс тобы «Қоғамдық кеңестер туралы» Қазақстан Республикасының 2015 жылғы 2 қарашадағы Заңына сәйкес Қоғамдық кеңес мүшелігіне  конкурс өтетіндігін хабарлайды.

2022 жылдың 17 қаңтарынан бастап 29 қаңтар аралығында коммерциялық емес ұйымдар мен азаматтар Қоғамдық кеңес құрамына кандидатуралар ұсынуға немесе өзін-өзі ұсынуға құқылы.

Қоғамдық кеңесті мемлекеттік органдардың өкілдері және конкурстық негізде – коммерциялық емес ұйымдардың өкілдері, азаматтар арасынан жұмыс тобы қалыптастырады.

Қоғамдық кеңестің сандық құрамы 12 адамнан тұрады, оның ішінде 4 адам мемлекеттік органдардан өкілдік етеді және 8 адам коммерциялық емес ұйымдар өкілдері мен азаматтар қатарынан сайланады.

Коммерциялық емес ұйым болып табылатын бір заңды тұлғадан Қоғамдық кеңеске бір ғана өкіл сайлана алады.

Қазақстан Республикасының он сегіз жасқа толған, сондай-ақ тиісті әкімшілік-аумақтық бірлік шегінде тұратын азаматы  Қоғамдық кеңес мүшелігіне кандидат бола алады.

Қоғамдық кеңес мүшелігіне кандидат:

• Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауға; 2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға; 3) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауға тиіс.

Конкурсқа қатысу үшін:

• Кандидатураны Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші;
• өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;
• сотталғандығының болуы не болмауы туралы анықтама;
• психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзушылықтардың (аурулардың) болуы не болмауы туралы анықтама ұсынылады.

Жоғарыда көрсетілген талаптарға сай келмейтін кандидаттар конкурсқа жіберілмейді.

Қосымша ақпарат алу үшін жұмыс тобымен хабарласуға болады.

 

Жұмыс тобының мекенжайы: Жалағаш кенті, Әйтеке би көшесі №14 үйдің  екінші қабаты.

«Жалағаш аудандық мәслихат аппараты» мемлекеттік мекемесі.

Тел: 8 (72431) 32-3-89,  31-7-34 /maslihat.zhalagash@mail.ru/

Жұмысшы топ басшысы – С.Алиев

Жұмыс тобы                      

Жалағаш ауданының Қоғамдық кеңесті қалыптастыру жөніндегі жұмыс тобын құру отырысының

ХАТТАМАЛЫҚ ШЕШІМІ

   «12 »  қаңтар 2022 жыл              №1                    

«Қоғамдық кеңестер туралы»  Қазақстан  Республикасының Заңына сәйкес,  Жалағаш ауданының Қоғамдық кеңесін қалыптастыру жөніндегі жұмыс тобы отырысының дауыс беру нәтижесі бойынша ШЕШІМ ҚАБЫЛДАДЫМ:

1. Жалағаш ауданы бойынша Қоғамдық кеңес мүшелерін қалыптастыру жөніндегі жұмыс тобының сандық құрамы 3 адам болып белгіленсін.

2.Жұмыс тобы мынадай құрамда бекітілсін:

1.Алиев Садық- топ басшысы

2.Еспенбет Жасұлан Ерданұлы - топ мүшесі

3.Табынбай Ақнұр Асқарқызы  - топ мүшесі

3. Осы хаттамалық шешім Жалағаш ауданы әкімдігінің интернет-ресурсында жариялансын.

Жалағаш аудандық

мәслихат хатшысы                                  Г.Е.Құрманбаева

Жалағаш ауданының Қоғамдық кеңесін қалыптастыру

жөніндегі жұмыс тобы  отырысының

ХАТТАМАЛЫҚ ШЕШІМІ

« 12 »  қаңтар  2022 жыл              №2                  

«Қоғамдық кеңестер туралы» Қазақстан Республикасының Заңына сәйкес  Жалағаш ауданының Қоғамдық кеңесін қалыптастыру жөніндегі жұмыс тобы ШЕШІМ ҚАБЫЛДАДЫ:

1. Қоғамдық кеңес мүшелерінің сандық құрамы 12 адам болып айқындалсын.
2. Жалағаш ауданының Қоғамдық кеңесі мүшелігіне сайлау жөнінде конкурс өткізу туралы хабарландыру «Жалағаш жаршысы» газеті мен Жалағаш ауданы әкімдігінің интернет-ресурсында жариялансын.

         Жұмыс тобының басшысы                             С.Алиев