Жалағаш ауданының құрылыс, сәулет және қала құрылысы бөлімі бойынша II тоқсанда атқарылған жұмыстар

Жалағаш кенті «Ақтерек» учаскесі 170 гектарға инженерлік-коммуникациялық инфрақұрылымға жобалау-сметалық құжаттамасын әзірлеу және сараптамадан өткізу үшін қаржыландыруға облыстан қаржы бөлініп, конкурс негізінде жеңімпаздар анықталып жобалар әзірленуде.

Жалағаш ауданы, Жалағаш кентінде емдеу мекемелеріне (100 төсек-орындық орталық аурухана, 20 төсек-орындық жұқпалы аурулар ауруханасы, аусымына 250 адам қабылдайтын аудандық емхана) жаңадан кәріз жүйесі құрылысын салуға мемлекеттік сараптамамен бірге жобалау-сметалық құжаттама әзірлеу жобасын қаржыландыруға облыстан қаржы бөлініп, конкурс негізінде жеңімпаздар анықталып жобалар әзірленуде.

Жалағаш ауданы, Аққұм және Мәдениет елді мекендерінің ауыз су тарату жүйесінен аула ішілік су таратуға жоба сметалық құжаттамалар әзірленіп, мемлекеттік сараптамадан өткізілді. Құрылыс монтаждау жұмыстарының қаржысына «Құрылыс және тұрғын үй-коммуналдық шаруашылық істері комитетіне бюджеттік өтінім тапсырылды.

Жалағаш кенті, «Ақтерек» учаскесіне су ұңғымалары және су жинау тарату кешенінің құрылысына жоба-сметалық құжаттамалар әзірленіп, мемлекеттік сараптамадан өткізілді. Құрылыс монтаждау жұмыстарының қаржысына «Құрылыс және тұрғын үй-коммуналдық шаруашылық істері комитетіне бюджеттік өтінім тапсырылды.

Жалағаш кентінен күл-қоқыс төгетін полигон құрылысының техника-экономикалық негіздемесі әзірленіп мемлекеттік сараптамадан өтті. Полигонның сұрыптау алаңының құрылыс жобасы мемлекеттік сараптамадан өтуде.

Жалағаш ауданы, Мырзабай және Аққыр елді мекендеріне 100 орындық мәдениет үйінің жоба-сметалық құжаттамасын әзірлеуге мемлекеттік сатып алу порталында конкурстан жеңімпаздар анықталып, жобалар әзірленуде.

Жалағаш ауданы, Таң елді мекенінде әкімшілік ғимаратының жобалау-сметалық құжаттамасы әзірленуде.

Жалағаш кентінен жабық бассейн құрылысы аяқталып, пайдалануға берілді.

Жыл басынан бері аудан тұрғындарының 4 арыз-шағымы қанағаттандырылып, 163 мемлекеттік қызмет көрсетілді.