Жалағаш ауданының құрылыс, сәулет және қала құрылысы бөлімі бойынша 2021 жылдың I тоқсанында атқарылған жұмыстар

Жалағаш кенті «Ақтерек» учаскесі 170 гектарға инженерлік-коммуникациялық инфрақұрылымға жобалау-сметалық құжаттамасын әзірлеу және сараптамадан өткізу үшін қаржыландыруға Қызылорда облысының құрылыс, сәулет және қала құрылысы басқармасына бюджеттік өтінім тапсырылды.

Жалағаш ауданы, Жалағаш кентінде емдеу мекемелеріне (100 төсек-орындық орталық аурухана, 20 төсек-орындық жұқпалы аурулар ауруханасы, аусымына 250 адам қабылдайтын аудандық емхана) жаңадан кәріз жүйесі құрылысын салуға мемлекеттік сараптамамен бірге жобалау-сметалық құжаттама әзірлеу жобасын қаржыландыруға Қызылорда облысының құрылыс, сәулет және қала құрылысы басқармасына бюджеттік өтінім тапсырылды.

Жалағаш ауданы, Аққұм және Мәдениет елді мекендерінің ауыз су тарату жүйесінен аула ішілік су таратуға жоба сметалық құжаттамалар әзірленіп,  мемлекеттік сараптамадан өткізілді.

Жалағаш кенті, «Ақтерек» учаскесіне су ұңғымалары және су жинау тарату кешенінің құрылысына жоба-сметалық құжаттамалар әзірленіп, мемлекеттік сараптамадан өтуде.

Жалағаш кентінен күл-қоқыс төгетін полигон құрылысының техника-экономикалық негіздемесі әзірленіп мемлекеттік сараптамадан өтті. Полигонның сұрыптау алаңының құрылыс жобасы мемлекеттік сараптамадан өтуде.

Жалағаш ауданы, Мырзабай және Аққыр елді мекендеріне 100 орындық мәдениет үйінің жоба-сметалық құжаттамасын әзірлеуге мемлекеттік сатып алу порталында конкурс өтуде.

Жалағаш ауданы, Таң елді мекенінде әкімшілік ғимаратының жобалау-сметалық құжаттамасы әзірленуде.

Жалағаш кентінен жабық бассейн құрылысы қарқынды жүруде.Жыл басынан бері аудан тұрғындарының 2 арыз-шағымы қанағаттандырылып, 81 мемлекеттік қызмет көрсетілді.