2026 жылдың ІІ тоқсаны бойынша Жалағаш ауданы әкімдігіне қарасты жергілікті атқарушы органдармен көрсетілген мемлекеттік қызметтердің есебі

 «Мемлекеттік көрсетілетін қызметтер туралы» Қазақстан Республикасының Заңына сәйкес қазіргі таңда мемлекеттік қызметтерді  Жалағаш ауданы бойынша 5 дербес бөлім және кент, ауылдық округ әкімі аппараттары көрсетеді.

Мемлекеттік көрсетілетін қызметтер тізіліміне сәйкес барлығы 106  қызмет түрі көрсетіліп келеді.

Атап айтқанда:

1) Жалағаш аудандық жұмыспен қамту және әлеуметтiк бағдарламалар бөлiмi  бойынша 22  қызмет түрі;

2) Жалағаш аудандық құрылыс, сәулет және қала құрылысы бөлімі бойынша 10 қызмет түрі;

3) Жалағаш ауданының ауыл шаруашылығы мен жер қатынастары бөлімі бойынша 28 қызмет  түрі;

4) Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі бойынша 13 қызмет түрі;

5) Жалағаш ауданының дене тәрбиесі, спорт және туризм бөлімі бойынша 13 қызмет түрі;

6) Жалағаш ауданы әкімі аппаратының жұмылдыру дайындығы және аумақтық қорғаныс бөлімі бойынша  20 қызмет түрі.

Үстіміздегі жылдың  6  айында  тұрғындарға барлығы 2331 қызмет көрсетілді.

Нақтысы:

-мемлекеттік органдарда қағаз түрінде көрсетілген мемлекеттік қызметтердің саны -   26 қызмет;

-мемлекеттік корпорация (ЦОН) арқылы – 20 қызмет;

-электрондық түрде «электрондық үкімет» веб-порталы арқылы көрсетілген мемлекеттік қызметтердің саны –  1893 қызмет.

Мемлекеттік қызмет көрсетуден бас тартулар саны – 378 қызмет.

Мемлекеттік қызмет көрсету процесстерін оңтайландыру мақсатында қазіргі таңда аудан бойынша 53 өз-өзіне қызмет көрсету бұрыштары жұмыс жасауда (ауылдық округ әкімдіктері ғимараттарында, білім беру ұйымдарында, балабақшаларда, мемлекеттік қызмет көрсететін жергілікті атқарушы органдар ғимараттарында). Аталған бұрыштарға жауапты мамандар бекітіліп, бүгінгі күнге 530 мемлекеттік қызметтерді электронды үкімет порталы арқылы көрсетілуіне оң септігін тигізуде.

Қызмет сапасын одан әрі жақсарту мақсатында арнайы іс-шаралар жоспары бекітіліп, мемлекеттік қызмет көрсететін органдарда ішкі бақылау жұмыстары жүргізілуде.

2026 жылға арналған  мемлекеттік қызмет көрсету сапасын ішкі бақылау бойынша іс-шаралар жоспарларына сәйкес есептік кезеңде ішкі мемлекеттік бақылау шараларымен 2 объекті қамтылды.

Оның ішінде:

дербес бөлім -1

ауыл округі әкімі аппараттары - 5