Аудандық дене тәрбиесі, спорт және туризм бөлімінің 2026 жылдың І тоқсанында атқарылған жұмыстары туралы

Жалағаш  ауданының  дене  тәрбиесі,  спорт  және  туризм бөліміне бағынысты «Наркескен спорт клубы», Б.Құлтекенов атындағы «Жабық бассейн», және «Балалар жасөспірімдер дене шынықтыру даярлығы» КММ жұмыс жасайды.

Жалағаш  ауданының  дене  тәрбиесі,  спорт  және  туризм бөлімінің жылдық көпшілік –күнтізбелік жоспарында   2026 жылға 1 республикалық, 6 облыстық, 80-нен аса аудандық жарыс өткізу жоспарланған.   І  тоқсанда  гір спортынан облыстық  2 жарыс және спорт түрлері бойынша   аудандық 15 жарыс  өткізіліп, оған барлығы 1827 спортшы  қамтылды.

2026 жылғы 30-31 қаңтарда «Наркескен» спорт клубында  Гір спортынан Жастар мен жасөспірім және ардагерлер арасында өткен облыстық жарыста аудан командасы 16 алтын, 7 күміс, 3 қола медаль иеленді. Жарыс жеңімпаздары  23-25 ақпан аралығында Қостанай  қаласында  гір спортынан  өтетін   ҚР  чемпионатына  жолдама алып, Жалағаштық спортшылар Қызылорда  облысының қоржынынына 2 алтын, 3 күміс, 3 қола медаль салып, барлығы 8 жүлдеге ие болды.

Төлеген  Қайсар  кәсіпқой ересектер  арасында 78 кг  салмақ  дәрежесінде  ІІ орын иеленіп, Әлем Чемпионатына жолдама жеңіп алды, сонымен қатар жастар арасында 78 кг салмақта 1 орын иегері атанды.

2013-2016 жылы туылған қыздар арасында Талғатқызы Әдемай -38 кг салмақта 1 орын иеленді. 2010 жылы тулған және одан кіші жасөспірімдер арасында Серікбай Абылайхан -58 кг салмақта 3 орын иеленсе, ересектер арасында Есназаров Мейрамбек, Сейтенов Абдулхасандар қола медаль, Нұрлан Қуаныш, Мәжиев Ислам күміс жүлдегер атанды. 

2026 жылғы 6-7 наурыз күні «Наркескен» спорт клубында гір спортынан ересектер мен жастар және жасөспірімдер арасында облыс біріншілігі өтіп аудан командасы 15 алтын, 6 күміс, 4 қола медаль иеленді. Сондай-ақ 2026 жылғы 28-30 наурыз аралығында Қостанай қаласында гір спортынан жастар мен жасөспірімдер арасында өткен Қазақстан Республикасының чемпионатына қатысып, нәтижесінде Жалағаштық спортшыларымыз 3 күміс, 2 қола медаль иеленді. 

Спортшыларымыз: Мешітбек Ержан -2010 жылы туылған және одан кіші жасөспірімдер 48 кг салмақта  -3 орын.

Өмірбек Әлтайыр – 2008-2009 жылы туылған жасөспірімдер арасында 63 кг салмақта 2-орын.

Ербол Әзиз – жасөспірімдер арасында 2-орын, жастар арасында 3-орын.

Аймағанбет Арайлым -2008-2009 жылы туылған жасөспірім қыздар арасында -2 орын алып, күміс жүлдегер атанды.

Жалағаш ауданы бойынша «Наркескен» спорт клубының Гір спорты жаттықтырушысы Сейтенов Абдулхасан.