Жалағаш ауданы әкімдігінің жұмыспен қамту орталығы бойынша 2020 жылдың 1 жарты жылдығындағы атқарылған жұмысы

Нәтижелі жұмыспен қамту және жаппай кәсіпкерлікті дамыту бағдарламасын іске асыру барысы туралы

Статистика мәліметтеріне сәйкес Жалағаш ауданы бойынша жұмыс күшінің саны – 15841 адам, жалпы жұмыссыздар саны – 786 адам. Жалпы жұмыссыздық деңгейі 5,0%, құрады.

Жыл басынан жұмыс іздеуші ретінде жұмыспен қамту орталығына 1318 адам хабарласып, соның ішінен 912 адам (жалпы хабарласқандарға шаққандардың 69,2 пайызы) жұмысқа орналастырылды.

Бірінші бағыт: Бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтамасыз ету бойынша облыстық бюджеттен 100 адамға 26,4 млн. теңге қаржы қаралған.

Екінші бағыт: Бүгінгі күнге 2019 жылға қосымша бөлінген қаржының есебінен 38 адамға 147,2 млн  теңге шағын несие берілді. Мемлекеттік грант бойынша 165 адамға 200 АЕК мөлшерінде 84,8 млн теңге берілді.

Үшінші бағыт: Халықты жұмыспен қамтуға жәрдемдесу арқылы еңбек нарығын дамыту және еңбек ресурстарының ұтқырлығын арттыру бойынша,

бұл бағытта 469 млн. 305 мың теңге қаржы қаралып, 1141 адамды орналастыру жоспарланды. Қазіргі таңда 794 адам жолданып, жоспарлық көрсеткіш 69,6%-ға орындалды. О.і.:

-әлеуметтік жұмыс орындарына 57 адам (154,0 %);

-жастар тәжірибесіне 143 жас маман (36,3 %);

-қоғамдық жұмыстарға 594 адам (83,7%) жіберіліп, барлығы 38 млн. 885 мың теңге қаржы жұмсалды.

2020 жылы 940 жаңа жұмыс орындарын ашу жоспарланған, есепті мерзімге 604 жаңа жұмыс орындары ашылды (оның 264-і тұрақты). Оның ішінде: Ауылшаруашылық саласы -76, экономикалық қызметтің басқа салаларында-151, көтерме және бөлшек сауда -16, көлік және қоймалау -16, денсаулық өнеркәсіп-4, құрылыс-1,уақытша және маусымдық жұмыстар – 340.