«Тұрғын үй кезегі» ақпараттық қызметі

«Тұрғын үй кезегі» ақпараттық қызметі Қазақстан Республикасы Индустрия және құрылыс министрінің 2023 жылғы 27 желтоқсандағы No 168 бұйрығымен белгіленген тәртіппен мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж Қазақстан Республикасының азаматтарын тіркеуге арналған.

Ақпараттық қызметке қол жеткізу қамтамасыз етіледі:

- Қазақстан Республикасының Ұлттық куәландырушы орталығы берген электрондық цифрлық қолтаңбаны пайдалана отырып, Пайдаланушы шартына қол қойған жағдайда Қазақстан Республикасының азаматтары;

- ауданның, облыстық маңызы бар қаланың, республикалық маңызы бар қаланың, астананың жергiлiктi атқарушы органдары өтiнiш негiзiнде.