Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі бойынша 2024 жылдың 4 тоқсанында атқарылған жұмыстар туралы

1. Автомобиль жолдары саласы бойынша

 Аудан аумағында республикалық маңызы бар 50 шақырым, облыстық маңызы бар 60,6 шақырым, аудандық маңызы бар 130,3 шақырым барлығы 240,9 шақырым автомобиль жолдары бар.

Аудандық маңызы бар автомобиль жолдарының 113,7 шақырымы немесе 87,3% жақсы және қанағаттанарлық жағдайда, 16,6 шақырымы немесе 12,3% қанағаттанарлықсыз жағдайда.

Үстіміздегі жылы аудандық маңызы бар автомобиль жолдарын жөндеу жөндеу жұмыстарына 305,1 млн.теңге қаралып, төмендегі жұмыстар жүргізілуде:

1. «Самара-Шымкент-Жосалы-Жалағаш-М.Шәменов» аудандық маңызы бар автомобиль жолын күрделі жөндеуге (1,3 шқ) облыстық бюджеттен 305,1 млн.теңге қаржы қаралды. Қазіргі таңда жөндеу жұмыстары толығымен аяқталып, пайдалануға берілді. Мердігер мекеме «Алем Транс жол» ЖШС.
2. Аққұм елді мекенінің айналма жолын реконструкциялауға мемлекеттік сатып алу рәсімдері жүргізізіліп, «Орда Автодор» ЖШС жеңімпаз болып танылды. Бүгінгі күнге келісім шарт жасалды. Қаржысы бөлінбеген.

Биылғы жылы елді мекендердің ішкі көшелерін жөндеу жұмыстарына облыстық бюджеттен 988,3 млн. теңге бөлінді. Бөлінген қаржы есебінен төмендегі жұмыстар жүргізілуде:

1. М.Шәменов ауылында оң жақ көше, сол жақ көше кірме жолдан бастап автомобиль жолдарын салу жұмыстарына мемлекеттік сатып алу конкурсы жарияланып, «Қыран» ЖШС жеңімпаз болып танылды. (жалпы жоба құны 86,5 млн.теңге, ұзындығы 1,0 шқ) Бүгінгі күнге келісім шарт жасалды. Қаржысы бөлінбеген.
2. Бұқарбай батыр ауылының 11 көшесінің құрылысына республикалық бюджеттен 50,0 млн.теңге қаралып, мемлекеттік сатып алу конкурсы нәтижесімен «Қыран» ЖШС жеңімпаз болып танылды. (жалпы жоба құны 403,1 млн.теңге, ұзындығы 4,7 шқ).

2024 жылға 2 көшеге асфальт төсеу жұмыстары жүргізілді. Жоба 2025 жылға өтпелі.

3. 2023 жылы бастау алған Аққұм ауылының 10 көшесін күрделі жөндеу жұмыстарына облыстық бюджеттен 147,0 млн.теңге қаралып, толығымен игерілген болатын. Жалпы жоба құны 457,1 млн.теңге. (жалпы құны 457,1 млн. теңге, ұзындығы 8,4 шқ).

Үстіміздегі жылы жөндеу жұмыстарын толығымен аяқтау үшін облыстық бюджеттен 286,6 млн.теңге қаржы қаралды. Қазіргі таңда жөндеу жұмыстары аяқталып, пайдалануға берілді. Мердігер мекеме «Ақтоған» ЖШС.

4. 2023 жылы Еңбек ауылының 3 көшесін орташа жөндеу жұмыстарына (жалпы жоба құны 62,3 млн.теңге, ұзындығы 2,8 шқ) аудандық бюджеттен 2,0 млн.теңге қаржы қаралып, жөндеу жұмыстары басталған болатын. Мердігер мекеме «Орда Автодор» ЖШС. Жетіспейтін қаржы 59,5 млн.теңге.
5. Есет батыр ауылындағы Бисембаев, Бөлебай би, Өмірбай шешен, Жаңа жарма, Сарман батыр көшелерін (жалпы жоба құны 545,8 млн.теңге, ұзындығы 4,0 шқ) күрделі жөндеуге облыстық бюджеттен 545,8 млн.теңге қаржы қаралды.

Қазіргі таңда жөндеу жұмыстары аяқталып, пайдалануға берілді.  Мердігер мекеме «Ақтоған» ЖШС.

6. Жалағаш кентінің 11 көшесін күрделі жөндеуге мемлекеттік сатып алу конкурсы жарияланып, «Қызылорда жолдары» ЖШС жеңімпаз болып танылды. (жалпы жоба құны 715,2 млн.теңге, ұзындығы 9,3 шқ). Бүгінгі күнге келісім шарт жасалды. Қаржысы бөлінбеген.
7. Ақсу ауылының М.Әуезов, Т.Қожағұлов, Ақбөгет көшелерінің құрылыс жұмыстарына мемлекеттік сатып алу рәсімдері жүргізіліп, «Р и А Сервис» ЖШС жеңімпаз болып танылды. (жалпы жоба құны 294,9 млн.теңге, ұзындығы 3,1 шқ). Бүгінгі күнге келісім шарт жасалды. Қаржысы бөлінбеген.
8. М. Шәменов ауылында Тәшімбетов көшесіне автомобиль жолын салу жұмыстарына мемлекеттік сатып алу рәсімдері жүргізіліп, «Алтын Өрлеу» ЖШС жеңімпаз болып танылды. (жалпы жоба құны 167,1 млн.теңге, ұзындығы 1,9 шқ). Бүгінгі күнге келісім шарт жасалды. Қаржысы бөлінбеген.
9. Таң ауылы, 10 дана екі пәтерлік тұрғын үйге көше жарығы бар кірме автомобиль жолын салу жұмыстарына облыстық бюджеттен 105,7 млн.теңге қаралды. (жалпы жоба құны 105,7 млн.теңге, ұзындығы 0,5 шқ). Бүгінгі күнге келісім шарт жасалды. Қазіргі таңда жөндеу жұмыстары аяқталып, пайдалануға берілді.

Газдандыру бойынша

Жалағаш кентінде орталықтандырылған газ желісі 2021 жылдың  шілде айында пайдалануға берілді.

Қазіргі таңда Жалағаш кентіндегі 3000 тұрғын үй (93.3 пайыз) және             26 әлеуметтік, 131 кәсіпкерлік нысандары (Жалағаш кентіндегі тұрғын үй саны-3215), Ақсу елді мекені бойынша 225 тұрғын үй немесе 72,6 пайызы (Ақсу елді мекеніндегі тұрғын үй саны-310), М.Шаменов елді мекені бойынша 78 тұрғын үй немесе 38,04 пайызы орталықтандырылған газ желісіне қосылған (М.Шаменов елді мекеніндегі тұрғын үй саны-205).

Ағымдағы жылы елді мекендерді газдандыру мақсатында барлығы 1086,2 млн теңге бөлінді.

Атап айтқанда:

 М.Шаменов елді мекенін газдандыру жұмыстары (келісім-шарт құны- 649,1 млн.теңге).

2023 жылға облыстық бюджеттен 63.8 млн.теңге бөлініп бөлінген қаржы   шегінде жұмыстар жүргізіліп, бөлінген қаржы толығымен игерілді. 

Ағымдағы жылы Ұлттық қордан 100 млн. теңге, облыстық бюджеттен 485,3 млн. теңге қаралды. Қазіргі таңда құрылыс монтаждау жұмыстары аяқталып, бөлінген қаржы толығымен игерілді.

Қазіргі таңда М.Шаменов елді мекенінде 78 тұрғын үй немесе 38,04 пайызы табиғи газ желісіне қосылған.

Анықтама үшін: халық саны-1 003, тұрғын үй саны-205.

Мердігер мекеме «АЭS and Limited» ЖШС, техникалық қадағалаушы «Нұрай сервис» ЖШС, авторлық қадағалаушы «Жамбылагрогазпроект» ЖШС.

Ақсу елді мекенін газдандыру (келісім-шарт құны- 517,4 млн.теңге). 2023 жылға облыстық бюджеттен 20,0 млн.теңге қаржы қаралып, бөлінген қаржы шегінде жұмыстар жүргізіліп, бөлінген қаржы толығымен игерілді.

2024 жылға құрылыс монтаждау жұмыстарын жалғастыру үшін Ұлттық қордан 100 млн теңге, облыстық бюджеттен 397,4 млн.теңге бөлінді. Қазіргі таңда құрылыс монтаждау жұмыстары толығымен орындалып, қаралған қаржы толығымен игеріліп, нысан пайдалануға берілді.

Бүгінгі күнге елді мекеннің 225 тұрғын үйі немесе 72,58 пайызы табиғи газ желісіне қосылған.

Анықтама үшін: халық саны-1 674, тұрғын үй саны-310.

Елді мекендерді табиғи газ желісіне қосуды жалғастыру мақсатында Қаракеткен, Далдабай елді мекендерін газдандыру жұмыстарына демеушілік есебінен жобалау-сметалық құжаттар әзірленіп, жобаны қаржыландыру үшін облыстық энергетика және тұрғын үй-коммуналдық шаруашылық басқармасына бюджеттік өтінім ұсынылды. Жоба құны – 1 148,7 млн.теңге.

Сонымен қатар, Бұқарбай батыр елді мекенін газдандыру үшін жобалау-сметалық құжаттары демеушілік есебінен әзірленіп, мемлекеттік сараптамаға жолданды.

Жобалаушы мекеме «ДосСтройПроект» ЖШС.

Аудан орталығындағы әкімшілік ғимараттар мен әлеуметтік нысандарды табиғи газге ауыстыру мақсатында ағымдағы жылы бюджеттен барлығы 68,4 млн.теңге бөлінді. Атап айтқанда:

Жалағаш кенті әкімі аппаратының қазандығы (жалпы келісім-шарт сомасы-6,2 млн.теңге) табиғи газ желісіне қосылып, пайдалануға берілді.

Жалағаш аудандық жұмыспен қамту және әлеуметтік бағдарламалар бөлімінің қазандығын табиғи газ желісіне қосу жұмыстары (жалпы келісім-шарт сомасы-19,4 млн теңге) аяқталып, пайдалануға берілді. Аудандық бюджеттен бөлінген 19,4 млн.теңге толығымен игерілді.

Жалағаш кентіндегі №123 мектеп-лицейін (жалпы келісім-шарт сомасы-26,5), №246 орта мектебін табиғи газға ауыстыру жолымен қазандықты реконструкциялауды жүзеге асыру жұмыстары аяқталып, нысандар пайдалануға берілді.

Мердігер мекеме «ДосСтройПроект» ЖШС. Техникалық қадағалаушы «Шебер Құрылысшы» ЖШС. Авторлық қадағалаушы «Прект Сервис» ЖШС.

Ауыз сумен қамту бойынша

Қазіргі таңда аудан тұрғындары тәулік бойы толығымен 100 пайыз орталықтандырылған ауыз сумен қамтамасыз етілген. Аудан бойынша          17 елді мекендегі 38 ұңғыма бар. Тұрғындар тәулігіне 2100 шаршы метрге жуық ауыз су көлемін тұтынады. Су есептегіш құралдары бар тұрғындарға - 1 шаршы метр ауыз су тұтынғаны үшін 30 теңге, су есептегіш құралын орнатпағандарға жан басына-146 теңге, жеке кәсіпкерлер 1 шаршы метр ауыз су тұтынғаны үшін – 422,8 теңгені құрайды.

2022 жылы 4 жобаға 1,1 млрд теңге қаржы бөлінді. Оның ішінде  2 елді мекеннің ауыз су желілерін кеңейту (Аққұм, Мәдениет) және жаңадан ашылатын «Ақтерек» учаскесінде су ұңғымасы мен су тарату желерінің құрылысы  іске асырылып, 2023 жылы жоба толығымен аяқталды.

 Бұқарбай батыр елді мекенінде 1 дана (50 м³-8,4 млн.теңге), Жаңаталап елді мекенінде 1 дана (25 м³-4,99 млн.теңге), су мұнарасын сатып алу үшін облыстық энергетика және ТКШ басқармасына бюджеттік өтінім ұсынылды.

Есет батыр ауылының ауыз жүйесін жаңғырту және кеңейту жұмыстарына жоба-сметалық құжаттар әзірленді. Жобаны жүзеге асыру үшін аудандық бюджеттен 100,0 мың теңге бөлініп, МСА конкурсы жұмыстары жүргізілді. Жалпы келісім-шарт құны-381,2 млн.теңге.

Мердігер мекеме «Бақ береке» ЖШС. Авторлық қадағалаушы «КазГражданСтройПроект» ЖШС. Техникалық қадағалаушы «Жаңа Ғасыр и К»

Сонымен қатар, Таң елді мекенін шаруашылық-ауыз сумен жабдықтау үшін жерасты суларын өндіруге арналған №2-Т барлау пайдалану ұңғымасын бұрғылап, салу жұмысына жобалу-сметалық құжаттар әзірленді. Жоба құны-145 млн.теңге. Бүгінгі күні аталған жоба-сметалық құжаттары аудандық меншіктен республикалық меншікке өткізу үшін тиісті комитетке ұсыныс енгізілді.

Одан бөлек, Жалағаш кентіндегі Ақтерек су ұңғыма тарату кешені мен ауыз су желісін. Аққұм, Мәдениет және Жаңақоныс елді мекендерінің ауыз су желілерін аудандық меншіктен республикалық меншікке өткізу жұмыстары жүргізілуде.

Электр жүйесі бойынша

 Жалағаш ауданы бойынша электр желілерінің жалпы ұзындығы 457,5 шақырымды құраса, электр жүйелерінің орташа тозу деңгейі 45,2 пайызды құрап отыр.

Биылғы жылы Мырзабай ахун, Т.Жүргенов, Есет батыр елді мекендерінің электр желілерін қайта жаңғырту жұмыстарына республикалық бюджеттен 922,0 млн. теңге бөлініп, тиісті жұмыстар жүргізілді.

Сонымен қатар, Жалағаш электр тарату торабтары АҚ-ның тарапынан Таң ауылындағы электр желісіне қайта жаңғырту жұмыстары жүргізіліп,                     11,6 шақырым 0,4 электр желісі толық ауыстырылды. Бүгінгі күнге аудан бойынша электр жүйесінің тозу деңгейі 32,5 пайызға төмендеді.

Еңбек ауылындағы тұрғын үйлер секторының инженерлік коммуникациялық инфрақұрылысы жұмыстарына демеушілік есебінен жобалау-сметалық құжаттар әзірленіп, сараптаманың оң қорытындысы алынды. Жоба құны - 493,3 млн.теңге. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына тапсырылды. Жобалаушы мекеме - «Гео ПСД Кзо» ЖШС.

2024 жылдың 10 желтоқсан күні М.Шаменов ауылындағы тұрғын үйлер секторының инженерлік коммуникациялық инфрақұрылысы жұмыстарына демеушілік есебінен жобалау-сметалық құжаттар әзірленіп, сараптаманың оң қорытындысы алынды. Алдағы уақытта жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына тапсырылатын болады. Жоба құны - 385,5 млн.теңге. Жобалаушы мекеме - «ҚазақЖобаҚұрылыс» ЖШС.

Одан бөлек, Жалағаш кентінің Дәуімбай учаскесіндегі тұрғын үйлер секторының инженерлік коммуникациялық инфрақұрылысы жұмыстарына демеушілік есебінен жобалау-сметалық құжаттар әзірленіп, сараптамаға жолданды. Аталған жоба сараптаманың оң қорытындысы алынғаннан кейін, жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылатын болады. Жобалаушы мекеме - «ҚазақЖобаҚұрылыс» ЖШС.