Қазақстан Республикасында білім беруді және ғылымды дамытудың 2020 - 2025 жылдарға арналған мемлекеттік бағдарламасы

Аудан бойынша 36 мектепке дейінгі ұйым бар. Оның ішінде 10 мемлекеттік бөбекжай (785 бала), 18 жекеменшік балабақша (1187 бала),  мектеп жанынан ашылған 8 шағын орталық (184 бала). Аудан бойынша 1-6 жас аралығында 2156 бала мектепке дейінгі білім беру ұйымдарымен қамтылып отыр. Мектепке дейінгі білім беру ұйымдарында 307 тәрбиеші бар.

Барлық 20 мектеп бойынша 2020–2021 оқу жылында 1-11 класта 7093 оқушы білім алады деп жоспарланып отыр. Оның ішінде 1-класқа 694 бала қабылданады деп күтілуде. Былтырғы оқу жылынан бастап 1-сыныпқа келетін оқушылардың құжаттары электронды түрде қабылдана бастады. Бүгінгі күнге 131 оқушы Egov порталы, 554 оқушы – Sitcen жүйесі бойынша мектепке қабылданды. Қалған 9 оқушы алдағы уақытта қабылданатын болады.

Аудан бойынша 1203 педагог қызмет атқарады. Оның ішінде жоғары білімді педагог 1108, арнаулы орта білімді – 95. Санаты бойынша жоғары санатты 67, І-санатты – 208, ІІ-санатты – 123, санатсыз – 194 мұғалім бар.

Жаңа форматта аттестациядан өткен педагогтар саны 661. Оның ішінде педагог-зерттеуші 224, педагог-сарапшы 240, педагог-модератор 147.

Аудандағы мектептер 100 пайыз кең жолақты интернет желісіне қосылған. Барлық мектептегі интернет нүктелеріне WI-FI  роутерлері орнатылды. 

2019-2020 оқу жылында 271 оқушы 11 сыныпты аяқтады. 230 бітіруші ұлттық бірыңғай тестілеуге қатысты. Бұл барлық бітірушілердің 84,9 пайызын құрады (2019 ж. – 78,7%). Бітірушілердің 220-ы қазақ тілінде, 10-ы орыс тілінде тест тапсырды.

2020 жылы ҰБТ-ның орташа балы – 79 балл болды (2019 ж. – 85,6 балл).

Бітірушілердің 243-і (89,7%) жоғары оқу орындарына, 28-і (10,3%) колледждерге орналасады деп жоспарлануда.

Инклюзивті білім беруге жағдай жасалған мектептер қатарында кент орталығындағы №201 мектеп–лицейі жатады. Мектеп-лицей базасындағы логопедиялық пункті 2013 жылы ашылған және арнайы мамандармен қамтылған. Қазіргі уақытта 20 білім беру ұйымының ішінде инклюзивті білім беруге жағдай жасалған мектептер қатарында 11 мектепте (№31, 32, 33, 114, 116, 118, 123, 201, 202, 232, 246) арнайы (дефектолог, логопед) мамандармен қамтылған (5 штат аудандық бюджеттен, 6 штат облыстық бюджеттен шешілген). 2020 жылы облыстық бюджеттен мектептерге 3 штат арнайы маманмен (31, 123, 114), 2 инклюзивті кабинетпен (33, 246) және 4 логопедиялық кабинетпен (Жалағаш кентіндегі «Ақмаржан», №19 санаторлық бөбекжайы, Аққұм ауылындағы «Шұғыла» және Бұқарбай ауылындағы «Бөбек» бөбекжайы) жабдықталды. Мектепке дейінгі ұйымдарда мүмкіндігі шектеулі балаларға жағдай жасау мақсатында «Нұрәділ», «Жасқанат», «Жасұлан», «Меруерт», «Балнұр», «Ақбалжан», «Кәусар», «Зейнеп», барлығы 8 балабақшада 2019 жылдың қыркүйек айынан бастап дефектологтар  жұмыс жасайды.

Қосымша біліммен қамту көрсеткіші бойынша Оқушылар Үйінде 14 үйірмеге 390 бала, №202 мектеп жанындағы қосымша білім беру орталығында 4 үйірмеге 185 бала, Балалар өнер мектебінде 7 класқа 85 бала, мәдениет саласында 75 үйірмеге 874 бала, балалар  мен жасөспірімдер спорт мектептеріне 16 үйірмеге 1314 бала, барлығы 116 үйірмеге 2848 бала қамтылған, қамтылуы 42,9  пайызды құрайды.