Мәдениет

Таң ауылының топырағынан ақын жазушылар, елді аузынан қаратқан би-шешендер, жыршы-термешілер шыққан аймақ.  Өнер өлкесіне қадам басқан әрбір жас­тың тұсауын кесіп, томағасын түрген «Таң ауылдық мәдениет үйі»  – ауыл үшін шоқтығы биік ұжым болып сана­лады. Мәдениет Үйі 1991 жылы типтік жобада салынып, 2014 жылы  кәсіпорын заманауи талапқа сай күрделі жөндеуден өткізілген.

Таң ауылдық мәдениет қызметкерлері  ел мәдениеті­нің өркендеуіне өзіндік үлес қосып келеді. Балалар мен оқушылардың бос уақытын тиімді пайдалану мақсатында түрлі үйірмелер жұмыс жасайды. Көркемсөз, жыр-терме, әзілсықақ, қолөнер, хор  үйірмелеріне  50 қатысушы тартылған. Үйірме мүшелері түрлі аудандық, облыстық, республикалық байқауларға қатысып, жүлделі орындарды иеленіп келеді.

Әсем безендірілген сахнада ән айтып, би билеу сахналық қойылымдар қою бір қарағанда оңай жұмыс болып көрінгенімен, онда қаншама адамның қажыр қайраты, маң­дай тері, ынта жігері, қолтаңбасы бар десеңізші! Өнерпаздардың сахналық костюмдері мен өнері үйлесім тауып, ха­лықтың көңілінен шығуда, еткен еңбек ақталып, абыройлары артпаса, азайған емес.

Көпшіліктің ықыласына бөленіп, қо­шеметке ие болғаннан артық бақыт бар­ ма?! Әр сайыстан ауданның абыройын асқақтатып келсе, қуанышымыз еселеп жатады.. Қызметкерлер арасында тәжірибе ал­масу, біліктіліктерін дамыту мақсатында түрлі семинар-­тренингтер ұйымдастыру да күн тәртібінен түскен емес.