Меню
Жалағаш аудандық ауруханасы - денсаулық сақтау саласында мемлекеттік саясатты жүзеге асырып келеді. Тұрғындарға «Тегін медициналық көмектің кепілдік берілген көлемі шеңберінде» және «Міндетті әлеуметтік медициналық сақтандыру» жүйесі бойынша медициналық көмек көрсетіп, денсаулық сақтау саласында медициналық қызметті жетілдіру, медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, аурудың алдын алу шаралары мен алғашқы медициналық көмекті жетілдіру, ана мен бала денсаулығын қорғау бойынша жұмыстары мен ақылы қызметтерді жүргізіп келеді.
Жалағаш кентінде – 100 төсектік аудандық орталық аурухана бар.
Айта кету керек, 2019 жылға дейін Жалағаш кентінде орналасқан Жалағаш аудандық ауруханасы ғимаратының жағдайы апатты болды, өйткені нысан 1997 жылы "асара" жолымен салынған.
2019 жылдың мамырында типтік жобадағы жаңа аурухананың құрылысы басталып, 2020 жылдың желтоқсан айында аяқталып, пайдалануға берілді. Ғимарат аудандық емхананың жанында тұрғызылды, бұл халыққа келуге ыңғайлы. Мердігер мекеме "Әбу-СЕР" ЖШС -і. Жобаның құны 4 млрд теңгені құрады. Нысанның жалпы ауданы-3,6 гектар. 100 төсектік аурухана 1 терапевтік, 1 хирургиялық, 1 реанимациялық, 1 перзентхана-гинекологиялық, 1 балалар бөлімшесі, 1 асхана, 2 операциялық блогы бар үш қабаттан тұрады.
