Өңірде халық денсаулығын жануарлар мен адамға ортақ аурулардан қорғау, эпизоотиялық тұрақтылықты сақтау мақсатында атқарылатын тиісті ветеринариялық іс-шаралар басқарма тарапынан бекітілген жоспарға сәйкес уақытылы ұйымдастырылуда. Аса қауіпті жұқпалы аурулардың алдын алу. Үстіміздегі жылы, аса қауіпті 14 түрлі жұқпалы ауруларға республикалық бюджет есебінен қаралған 7468,5 мың доза ветеринариялық препараттың облысқа 3768,5 мың дозасы (50,5%) бөлінді. Алдын ала егу жұмыстары І-тоқсан жоспарына сәйкес 100% толық орындалды. Диагностикалық тексеру. Жануарлар мен адамға ортақ жұқпалы бруцеллез ауруының алдын алу мақсатында ауыл шаруашылығы жануарларына диагностикалық зерттеу жұмыстары жүргізілуде. Зерттеу нәтижесінде 1 бас МІҚ, 2 бас уақ мал ауру болып анықталып, санитарлық сойылып, тиісті залалсыздандыру жұмыстары жүргізілді. Қазіргі күні, облыс көлемінде эпизоотиялық жағдай тұрақты.