Қызылорда облысының жолаушылар көлігі және автомобиль жолдары басқармасымен 2020 жылдың 9 айы бойынша көрсетілген мемлекеттік қызметтер туралы ақпарат
Қызылорда облысының жолаушылар көлігі және автомобиль жолдары басқармасымен мемлекеттік қызметтің 4 түрі көрсетіледі:
1)Қазақстан Республикасы Инвестициялар және даму министрінің 2015 жылғы 30 сәуірдегі «Ішкі су көлігі саласында мемлекеттік қызметтер стандарттарын бекіту туралы» №556 бұйрығына (2018 жылғы 14 желтоқсандағы ҚР Инвестициялар және даму министрінің «Қазақстан Республикасы Инвестициялар және даму министрлігінің кейбір бұйрықтарына өзгерістер енгізу туралы» № 878 бұйрығы) сәйкес «Өздігінен жүретін шағын көлемді кемелерді жүргізу құқығына куәліктер беру» мемлекеттік қызмет;
2)2019 жылғы 5 қарашадағы Қазақстан Республикасы Индустрия және инфрақұрылымдық даму министрінің «ҚР Инвестициялар және даму министрінің 2015 жылғы 30 сәуірдегі «Автомобиль көлiгi саласында мемлекеттік көрсетілетін қызметтер стандарттарын бекіту туралы» № 557 бұйрығына өзгерiстер мен толықтырулар енгiзу туралы» № 826 бұйрығына сәйкес «Жолаушыларды облысаралық қалааралық, ауданаралық (облысішiлiк қалааралық) және халықаралық қатынастарда автобустармен, шағын автобустармен тұрақты емес тасымалдау, сондай-ақ жолаушыларды халықаралық қатынаста автобустармен, шағын автобустармен тұрақты тасымалдау жөніндегі қызметпен айналысу құқығына лицензия беру» мемлекеттік қызмет;
3)Қазақстан Республикасы Индустрия және инфрақұрылымдық даму министрінің 2019 жылғы 25 шілдедегі «Қазақстан Республикасы Инвестициялар және даму министрінің 2015 жылғы 30 сәуірдегі «Автомобиль жолдары саласындағы мемлекеттік көрсетілетін қызмет стандарттарын бекіту туралы» № 529 бұйрығына өзгерістер енгізу туралы» № 547 бұйрығына сәйкес «Облыстық және аудандық маңызы бар жалпы пайдаланымдағы автомобиль жолдарында бөлінген белдеуінде сыртқы (көрнекі) жарнама объектілерін орналастыруды келісу» мемлекеттік қызмет;
4)Қазақстан Республикасы Инвестициялар және даму министрінің м.а. 2015 жылғы 25 тамыздағы «Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы» № 883 бұйрығына сәйкес «Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік мәні бар қатынастар бойынша автомобильмен жолаушылар тасымалын жүзеге асырумен байланысты тасымалдаушылардың залалдарын субсидиялау» мемлекеттік қызметі.
2020 жылдың 9 айы бойынша Басқармамен «Өздігінен жүретін шағын көлемді кемелерді жүргізу құқығына куәліктер беру» бойынша 32 мемлекеттік қызмет көрсетілді. Көрсетілген мемлекеттік қызмет түрі - «Азаматтарға арналған үкімет» мемлекеттік корпорациясы» КЕАҚ арқылы берілді.
«Жолаушыларды облысаралық қалааралық, ауданаралық (облысішiлiк қалааралық) және халықаралық қатынаста автобустармен, шағын автобустармен тұрақты емес тасымалдау, сондай-ақ жолаушыларды халықаралық қатынаста автобустармен, шағын автобустармен тұрақты тасымалдау қызметiмен айналысу үшін лицензия беру» бойынша «электрондық үкімет» порталы арқылы 7 мемлекеттік қызмет көрсетілді. Стандарттың 9-тармағында көрсетілген құжаттар топтамасының толық болмауына байланысты, 4 қызметті алушының өтініштері кері қайтарылды, 3 өтініш қанағаттандырылды.
Ал «Облыстық және аудандық маңызы бар жалпы пайдаланымдағы автомобиль жолдарында бөлінген белдеуінде сыртқы (көрнекі) жарнама объектілерін орналастыруды келісу» көрсетілетін мемлекеттік қызмет бойынша өтініш түскен жоқ.
«Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік мәні бар қатынастар бойынша автомобильмен жолаушылар тасымалын жүзеге асырумен байланысты тасымалдаушылардың залалдарын субсидиялау» бойынша жергілікті атқарушы органның кеңсесі арқылы 12 мемлекеттік қызмет көрсетілді.
Басқармада қызмет алушыларға мемлекеттік көрсетілетін қызметтер регламенттерінің қолжетімділігі туралы хабардар болуын қамтамасыз ету мақсатында мемлекеттік көрсетілетін қызмет тақырыбында стенд орнатылған және мемлекеттік көрсетілетін қызметтер бойынша жеке және заңды тұлғалардан арыз-шағымдар түскен жоқ.