Сыбайлас жемқорлыққа қарсы күрес бағытында 2020 жылдың 2 тоқсанында атқарылған жұмыстар туралы
Қызылорда облысының жолаушылар көлігі және автомобиль жолдары басқармасымен 2020 жылдың 2 тоқсанында сыбайлас жемқорлыққа қарсы күрес бағытында келесідей жұмыстар атқарылды.
Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2018-2020 жылдарға арналған іс-шаралар жоспарын іске асыру мақсатында Басқарма басшысының бұйрығымен 2020 жылға арналған іс-шаралар жоспары бекітіліп, жұмыстар жоспарға сәйкес жүргізіліп келеді.
Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы А.Шпекбаевпен бекітілген «Қазақстан Республикасының «тұрмыстық» сыбайлас жемқорлықтың деңгейін төмендету бойынша іс-шаралар» жоспарының 5-тармағын орындау бағытында, 2015 жылдың 18 қарашасында қабылданған «Сыбайлас жемқорлыққа қарсы іс-қимыл туралы» Қазақстан Республикасы Заңының 10 сұрағы бойынша 16 қыметкерден тестілеу жүргізіліп, нәтижесінде жоғарыда аталған тесттың 75 пайызын толығымен дұрыс белгілегендігін көрсетті.
Сондай-ақ, басқарманың автомобиль жолдары бөлімі «OPEN SPACE» (әйнекпен жабдықталған) форматқа көшіріліп қызметтерін атқарулыда.
Басқармада сыбайлас жемқорлық әрекеттердің және түрлі құқық бұзушылықтардың алдын алу мақсатында әрбір қызметшіге мемлекеттік қызметке қабылданған күннен бастап құқықтары мен негізгі міндеттері, мемлекеттік қызметте болуға байланысты шектеулер, «Сыбайлас жемқорлыққа қарсы іс-қимыл туралы» Қазақстан Республикасының Заңы мен Мемлекеттік қызметшілердің Әдеп кодексінің талаптары түсіндірілді. Қызметшілердің жұмыс уақытындағы бөгде адамдармен ретсіз қарым-қатынаста болмау үшін келушілердің басқармаға кіріп-шығу тәртібі белгіленіп, қауіпсіздік шаралары күшейтілді.
Сонымен қатар, басқарманың құрылымдық бөлімшелерінің басшыларына бағынысты қызметкерлерінің сыбайлас жемқорлық бұзушылықтар жасағаны үшін тікелей жауапкершілік сұралатындығы қосымша ескертілді.
Сонымен қатар, «Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы Заңының 10-бабына сәйкес «Қызылорда облысының жолаушылар көлiгi және автомобиль жолдары басқармасы» мемлекеттік мекемесінің қызметкерлеріне сыбайлас жемқорлыққа қарсы стандарты бекітіліп, басқарма қызметкерлеріне таныстырылды.
Басқарма қызметкерлерінің қызметте болу кезінде басқарманың имиджін жоғарылату және іскерлік әдепті қалыптастыру мақсатында қызметкерлермен түсіндірме жұмыстар жүргізіліп, сырт келбеті дипломатиялық ресми тұрғыда болуын тапсырылды.
Сыбайлас жемқорлықтықты, құқық бұзушылықтарды болдырмау, олардың жолын кесу, алдын алу мақсатында басқарма қызметкерлердің арасында ай сайын әдістемелік оқулар өткізіліп тұрады, соның ішінде: мүлік және кірістер туралы жыл сайын декларация тапсыру тәртібі; мемлекеттік қызметшінің Әдеп кодексі нормаларының орындалуы; «Мемлекеттік сатып алу туралы» ҚР Заңын түсіндіру; «Сыбайлас жемқорлыққа қарсы іс-қимыл туралы» және «ҚР мемлекеттік қызметі туралы» ҚР заңдарының сақталуы; мемлекеттік тәртіпті нығайту мәселелері, облыстық маңызы бар автомобиль жолдарын жөндеу және күтіп ұстау бойынша шарттардың орындалуына бақылауды күшейту, орындалған жұмыстарды қабылдау және төлеу кезінде сыбайлас құқық бұзушылыққа жол бермеу жөнінде оқу семинарлар өткізілді.
Ашықтық және қол жетімділік принципін бақылау мақсатында басқарма бойынша атқарылып жатқан жұмыстар туралы ақпараттарды басқарманың ресми сайтында жарияланып, ай сайын жаңартып тұрады.
Сонымен қатар, ай сайын құрылыс жұмыстар жүргізіп жатқан мердігер мекеме өкілдерінің қатысуымен кеңес өткізіліп, онда құрылыс жұмыстары кезінде атқарылған жұмыстардың бекітілген жоба-сметалық құжаттамаға, атқарылған жұмыстар туралы актілеріне сәйкес болуын және атқарылып жатқан жұмыстар қолданыстағы заңнамаларға, құрылыс нормаларға сәйкес болуын ескертіліп тұрады.
Басқарма бойынша сыбайлас жемқорлық тұрғысынан тәртіптік жазаға тартылғандар болған жоқ. Қорыта келе, басқарма тарапынан сыбайлас жемқорлықпен күрес әрдайым бақылауда ұсталып, іс-шаралар жалғастырыла береді.