Меню
Қызылорда облысының жолаушылар көлігі және автомобиль жолдары басқармасы облыстық және аудандық маңызы бар жолдарды, елді мекендердің көшелерінде жол жүрісін реттеудің техникалық құралдарын салу, реконструкциялау, жөндеу, енгізу және күтіп - ұстау жөніндегі барлық жұмыс түрлерінің орындалуын және оларды бақылауды қамтамасыз етеді.
Сонымен қатар, облыстық маңызы бар, жалпыға ортақ пайдаланылатын автомобиль жолдарын салу, реконструкциялау, жөндеу және күтіп-ұстау жөніндегі жұмыстарды Қазақстан Республикасының мемлекеттік сатып алу туралы заңнамасына сәйкес ұйымдастырады.
Облыстық маңызы бар автомобиль жолдарын жөндеу жұмыстары жолдардың техникалық жай-күйіне, қозғалыс қарқындылығына және жөндеуді қажет ететін учаскелердің басымдығына қарай жоспарланады. Жөндеу жұмыстары тиісті бюджет қаражатының бөлінуіне байланысты кезең-кезеңімен жүзеге асырылады.
Автомобиль жолдары маңызына қарай республикалық, облыстық және аудандық маңызы бар жолдарға бөлінеді. Республикалық маңызы бар жолдар бойынша уәкілетті республикалық ұйымдар, облыстық маңызы бар жолдар бойынша облыстық басқарма, ал аудандық маңызы бар жолдар бойынша тиісті аудан әкімдіктері жауапты.
Республикалық маңызы бар автомобиль жолдарын салу, реконструкциялау, жөндеу және күтіп-ұстау облыстық басқарманың құзыретіне жатпайды. Аталған жолдар бойынша тиісті республикалық уәкілетті органдар мен ұйымдарға жүгіну қажет.