Кент әкімі Айдын Маратұлы Сабалақ саяжайының газ желілерін жүргізуші мердігер мекемемен бірге құрылыс барысын бақылап, алдағы жұмыстарды талқылады.
Өздеріңізге белгілі, Сабалақ саяжайын газдандыру жобасы үш кезеңнен тұрады. Қазіргі уақытта бірінші және екінші кезең аясында саяжайға газ желілерін тарту жұмыстары қарқынды жүруде.
Бүгін кент әкімі Айдын Маратұлы тұрғындарды жеке сұрақтары бойынша қабылдады. Қабылдауға келген азаматтар жол, көше жарығы, жұмыспен қамту мәселелері бойынша жүгінді. Кент әкімі әрбір тұрғынның мәселесін тыңдап, заңдылыққа сәйкес түсіндірме жүргізді. Сондай-ақ, жауапты сала мамандарына тапсырмалар жүктеді.
Мемлекеттік көрсетілетін қызметтер туралы» ҚР Заңына сәйкес мемлекеттік көрсетілетін қызмет көрсетілетін қызметті алушылардың өтініші бойынша жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі. Сәйкесінше мемлекеттік қызметтер көрсету саласының сапасын арттыру – елді мекен тұрғындарының өмір сүру деңгейінің көтерілуіне септігін тигізері сөзсіз.
Қызылорда қаласының «Тасбөгет кенті әкімінің аппараты» коммуналдық мемлекеттік мекемесінде төмендегідей 6 мемлекеттік қызмет түрі жүзеге асырылады:
«Тасбөгет кенті әкімінің аппараты» КММ көрсетілетін мемлекеттік қызметтер бойынша ағымдағы жылдың ІІІ тоқсанында кент әкімінің аппаратына келіп түскен мемлекеттік көрсетілетін қызметтер бойынша келіп түскен өтініштер саны 153 құрайды. Бұл көрсеткіш 2023 жылмен салыстырғанда
7,2 есеге артып отыр.
Атап айтқанда, «жер учаскесінің нысаналы мақсатын өзгертуге шешім беру» бойынша 15 өтінім, «сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учакскелеріне құқықтарды алу» бойынша 136 өтінім, «кент және ауыл жерлерінен жер учаскесін беру» бойынша 2 өтінім келіп түсті. Оның ішінде, жер учаскесінің нысаналы мақсатын өзгертуге рұқсат етілген шешімдер саны 4 құраса, бас тартылғаны 11. Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учакскелеріне құқықтарды алу бойынша қанағаттандырылған өтініштер саны 72, бас тартылғаны 64 құрады.
Қазіргі таңда демеуші көздері есебінен Тасбөгет кентінің Бас жоспары әзірленуде. Осыған байланысты кент бойынша арнайы кезекте тұрған азаматтарға жер учаскелерін табыстау уақытша тоқтатылды. Алдағы уақытта
Бас жоспар бекітілгеннен кейін «ҚР Жер кодексінің 44-бабына» сәйкес, жер учаскелерін беру арнайы кезектілікпен жүргізілетін болады.
Қызмет алушыларға қолайлы жағдай жасау мақсатында «Қызылорда қаласының Тасбөгет кенті әкімінің аппараты» КММ ғимаратында мемлекеттік қызметтер көрсету тәртібі туралы ақпараттық стенд орналастырылған және онда көрсетілетін қызмет түрлері мен қызмет көрсету мерзімі туралы мәліметтер толық көрсетілген. Сондай-ақ, мекемеде «Өзіне-өзі қызмет көрсету бұрышы» жабдықталып, онда «Egov.kz» электрондық үкімет веб-порталына кіру мүмкіндігі қамтамасыз етілген.
Жоғарыда аталған қызметтерді алу үшінТасбөгет кенті әкімінің аппаратына өтініш білдіруге болады. Мекен-жайымыз: Қызылорда қаласы, Тасбөгет кенті, З.Шүкіров көшесі №11. Сенім телефоны: 21-58-49.
Қазақстан Республикасы Әділет министрлігінің 2024-2026 жылдарға арналған құқықтық түсіндіру жұмыстары бойынша іс-шаралар жоспарын орындау мақсатында халықтың құқықтық сауаттылығын арттыру және қолданыстағы нормативтік актілермен танысу үшін кент әкімі аппаратының ғимаратында «Құқық кабинеті» бұрышы ашылғандығын хабарлаймыз.
Тұрғындарға қолайлы жағдай қалыптастыру мақсатында саяжай аумағындағы 15 көшеге жарықшамдар қойылды. Бұл мәселе саяжай тұрғындарын көптен бері мазалап келген болатын. Аталған жұмыстардың нәтижесінде тұрғындардың қауіпсіздігі мен көлік қозғалысына оңтайлы жағдайлар жасалуда.
Алдағы уақытта бұл жұмыстар жалғасын табатын болады.
Кент әкімі Айдын Маратұлы кенттегі абаттандыру бағытында атқарылып жатқан жұмыстарды бақылау мақсатында бірқатар нысандарды аралады. Алдымен Е. Ертуғанов көшесіне барып, ондағы абаттандыру жұмыстарымен танысты. Мердігер мекеме басшысының айтуынша тиісті жұмыстар маусым айының соңында толық аяқталатын болады.
Сондай-ақ кент әкімі Сабалақ, Еңбек саяжайларында болып, саяжай көшелерін жарықтандыру бойынша жұмыстарды пысықтады.
Суға шомылу маусымына байланысты қауіпсіздік шараларын сақтау бағытында су арналарына бақылау жұмыстары жүргізілді.
«Қала әкімдігі жанындағы Үкіметтік емес ұйымдармен өзара іс-қимыл және ынтымақтастық жөніндегі кеңес» отырысы өткізілді.
Тасбөгет кентіндегі «үкіметтік емес ұйымдар секторын дамыту және олар бойынша атқарылған жұмыстар туралы» кент әкімі Айдын Маратұлы тоқталып өтті.
Бүгінгі таңда үкіметтік емес ұйымдардың біздің қоғамдағы алатын орны ерекше. Себебі бұл құрылым түрі де қоғамның қозғаушы күштерінің бірі болып табылады. Сондықтан маңызды болып саналатын бұл салаға да қолдау көрсетіліп, әрі тең әріптестік тұрғыда мемлекеттік органдар мен тұрғындардың арасын жалғайтын көпір ретінде жұмыс атқарылып келеді.
Тасбөгет кентінде де түрлі бағытта қызмет жұмыс жасайтын нақты 7 үкіметтік емес ұйым бар. Жергілікті билікпен шынайы әріптестік жағдайында жоғарыда аталған өз ісіне берілген, талпынысы мықты, ізденісі мол қоғамдық ұйымдардың жетекшілері өз жұмыстарын нәтижелі жүргізіп отыр.