Орман шаруашылығы саласы бойынша
Облыс аумағында мемлекеттік орман қоры жерлерінің жалпы көлемі 6,5 млн.га болса, оның 3,1 млн га орманды алқапты құрайды. Орман шаруашылығы саласының 568 қызметкерлері орманды күзету, қорғау және өсімін молайту жұмыстарымен айналысады.
Орман шаруашылығы мекемелері орманды күзету, қорғау және өсімін арттыру бойынша біршама жұмыстар атқарылды.
Облыс бойынша орман өсімін молайту мақсатында 2020 жылы мемлекеттік орман қоры жерлерінде 11321 га орман отырғызу жұмыстары, оның ішінде Арал теңізінің құрғаған ұлтанында 6300 гектарға сексеуіл егу жұмыстары жоспарланып, толығымен сексеуіл көшеттері отырғызылуда.
2020 жылы орман көлемін арттыру мақсатында ағаш көшеттерін өсіретін 22,1 га уақытша тұқымбақ ұйымдастырылуда.
Орман шаруашылығы мекемелері мемлекеттік орман қоры учаскелерінде орман заңнамасын бұзудың алдын-алу, оны анықтау мақсатында 85 рейдтер ұйымдастырып, ағаштар мен бұталарды заңсыз кесу және бүлдіру орын алған жоқ және басқа да орман тәртібін бұзушылықтар бойынша 11 жағдайы анықтап, тиісті шаралар қабылданды.
Жыл басынан бері мемлекеттік қызметтерді көрсету бойынша орман билеті және ағаш кесу билеті, барлығы 273 адамға берілді. Оның ішінде орман билеті - 272 дана, ағаш кесу билеті - 1 дана.
Ағаш кесу және орман билетін беру кезінде арыз-шағымдар мен мерзімдері бұзылған мемлекеттік қызмет тіркелмеген.
2020 жылдың өрт қауіпті маусымында Қызылорда облысы аумағында орман және дала өрттерінің алдын алу және жою жөніндегі іс-шаралар жоспары бекітіліп, жоспар бойынша жұмыстар атқарылуда.
Орман өртін болдырмау және алдын алу мақсатында, орман шаруашылығы мекемелерінде 9 дана өрт сөндіру автокөлігі мен 54 тұрақты өрт сөндірушілер қызмет атқарады. Орман өрттерін сөндіру үшін 2020 жылдың өрт қауіпті маусымында 19,8 тонна (дизель 12,2 тонна, бензин 7,6 тонна) жанар-жағармай материалдарының қоры дайындалды. 488 шақырымға жаңадан өрт жолақтары жүргізіліп, 1879 шақырымға ескі өрт жолақтары қалпына келтірілді. Өртке қауіпті деген жерлерге 86 дана аншлагтар мен паннолар орналастырылды.