БАЛЫҚ ШАРУАШЫЛЫҒЫ:
Бүгінгі күні, облыс бойынша балық шаруашылығына маңызы бар Кіші Арал теңізі мен 207 көл тізімге алынған.
Оның ішінде, Кіші Арал теңізі толықтай (100 %) және 182 көл (86%) конкурстық негізде, 5 жылдан 10 жылға дейін кәсіпкерлерге бекітіліп берілді.
2020 жылдың 9 айында облыс бойынша ауланған балықтың көлемі 6661 тоннаны құрайды.
Облыста 9 балық өңдеу зауыттары жұмыс жасайды,олардың жылдық қуаттылығы 12,5 мың. тонна.
Балық өнімдерінің 14 түрі экспортталады.
2020 жылдың 9 айында балық өнімдерінің экспортының көлемі 3 221,5 тоннаны құрады.
Бүгінгі күні, облыста 14 тауарлы балық өсіретін шаруашылық жұмыс жасауда.
2017-2022 жылдарға арналған Агроөнеркәсіп кешенін дамытудың өңірлік бағдарламасына сәйкес 2022 жылы тауарлы балық шаруашылықтардың саны 30-ға дейін және өндірілетін балық көлемі 477 тоннаға жеткізетін боламыз.
Сонымен қатар, осы жылы облыстық бюджеттен қаржы бөлініп, 22 көлге ғылыми-биологиялық негіздеме әзірленді.