Облыс аумағында мемлекеттік орман қоры жерлерінің жалпы көлемі 7,0 млн. га құрайтын болса, оның 3,8 млн. га орманды алқаптар болып табылады. Орманды алқаптың 83% негізгі орман құраушы сексеуіл ағаштары алып жатыр.
Облыста ормандарды қорғау, молықтыру, сақтау және орман өртін алдын алу мақсатында, 8 орман шаруашылығы мекемелерінде 729 қызметкерлер жұмыс жасауда.
Ағымдағы жылы, облыстық деңгейде атқарылатын 100 мың гектардың 50 мыңга жерге сексеуіл көшетін отырғызу көктем айларында жүргізілді, қалған 50 мың га сексеуіл тұқымын жинау агротехникалық талаптарға сәйкес күз айларында орындалатын болады.
2024 жылы көктем айында Арал теңізінің құрғаған ұлтанында
50 мың га жерге 15 млн. дана сексеуіл көшеттері отырғызылды, қалған көлем агротехникалық талаптарға сәйкес күзде жүргізілетін болады.
Сонымен қатар, Арал теңізінің құрғаған ұлтанының 150 мың га топырақ зерттеу және жобалау жұмыстарына облыстық бюджеттен 58,4 млн. теңге бөлінді.
Жыл басынан бері мемлекеттік қызметтерді көрсету бойынша ағаш кесу және орман билеті, барлығы 514 (орманбилеті-502, ағаш кесу-12) жеке және заңды тұлғаларға берілді.
Сонымен қатар, мемлекеттік орман қоры учаскелерінде заң бұзушылықтарды алдын-алу, оны анықтау мақсатында 215 рейдтер ұйымдастырылып, оның ішінде орман тәртібін бұзушылықтар бойынша 33 жағдайы анықталды.
2024 жылдың 29 ақпанында Қызылорда облысы аумағында орман және дала өрттерінің алдын алу және жою жөніндегі іс-шаралар жоспары бекітілді.
Орман өртін болдырмау және алдын алу мақсатында орман шаруашылығы мекемелерінде 13 дана өрт сөндіру автокөлігі мен
65 тұрақты өрт сөндірушілер қызмет атқарады.
Қазіргі таңда, өрт қауіпті учаскелерде 527 шақырымға жаңадан өрт жолақтары жүргізіліп, 5918 шақырымға ескі өрт жолақтары қалпына келтірілді.
Сонымен қатар, өрт қауіпті деген жерлерге 107 дана аншлагтар мен паннолар орналастыру және 1993 дана елді мекендердегі тұрғындар мен ауыл шаруашылығы тауар өндірушілерге ескерту хаттар тарату, бұқаралық ақпарат құралдарына 23 рет мақалалар жарияланды.
Орман мекемелерінің материалды-техникалық базасын нығайту үшін 77,1 млн. теңге бөлініп, қажетті техника мен құрал саймандар сатып алынды.
Анықтама ретінде: 33 мотоцикл, 5 орман отырғызу агрегаты, 15 навигатор, 10 мотопомпа, 26 байланыс құралдары және т.б.
Бұдан бөлек, Дүниежүзілік Банк қайтарымсыз қаржысы есебінен «Қазақстан Республикасында ландшафтарын қалпына келтіру жөніндегі» жобасы аясында Қазалы ауданында сексеуіл, саялы ағаш көшеттерін дайындау үшін тұрақты орман тұқымбағын құру жұмыстары жүргізілуде.
Сонымен қатар, Қызылорда қаласы маңындағы Қызылорда-Жезқазған автожолы бойындағы орман қоры жерінің 3 мың гектарына жасыл аймақ құру бойынша сексеуіл көшеттерін отырғызу жұмыстары жүргізілді.