Тұрмыстық қатты қалдықтарды басқару :
Қзақстан Республикасының «Жасыл экономикаға» көшуі жөніндегі Тұжырымдамасының қалдықтарды басқару бағытында облыста негізгі 3 нысаналы индикатор бойынша жұмыстар атқарылуда.
1-ші. Қалдықтардың өңдеу (сұрыптау) үлесін арттыру:
Жалпы облыс аумағында түрлі қалдықтарды тасымалдау, сұрыптау жинақтау, қайта өңдеу және жою саласында 18 кәсіпкерлік субъектілері жұмыс жасайды.
2023 жылдың 3 айында 40958 тонна қатты тұрмыстық қалдықтардың 10958 тоннасы өңделді. Пайыздық үлесі 26,7 % құрады.
Анықтама ретінде:
Қызылорда қаласында -«Серпін и К ЛТД», Smart Rubber» (Смарт Раббер) ЖШС-і,
«Қызылорда Қағазы» ЖШС-і ,«ДаЖаЕр» ЖШС; ЖК «Қарасақал».
Арал ауданы бойынша - ЖК «Садылдаев Д»;
Қазалы ауданы бойынша - ЖК «Ж. Карымсаков», «Ә.Бөлекбаев»;
Қармақшы ауданында - ЖК «Досмуратов»; ЖК «Азамат»
Жалағаш ауданында - «Сыр арна» ЖШС, ИП «Адима»
Сырдария ауданында – ЖК «Аманова»;
Шиелі ауданында - «Сазқұм» өндірістік кооперативі;
Жаңақорған ауданында - «Нұр-Шах» ЖШС-і, ЖК «Мурзаев».
2-ші. Халықты тұрмыстық қатты қалдықтарды жинау және тасымалдау қызметімен қамту:
Облыс тұрғындарының 71,5 % тұрмыстық қатты қалдықтарды тасымалдау қызметімен қамтамасыз етілген.
Анықтама ретінде:
Жалпы облыста 9030 дана контейнер, соның ішінде 874 дана құрамында сынабы бар шамдарды жинауға арналған арнайы контейнерлер орнатылған. Халыққа 221 дана арнайы техника қызмет көрсетеді.
3-ші. Экологиялық және санитариялық талапқа сай келетін полигондар:
Облыс бойынша барлығы 145 полигон құрылысы үшін жер учаскелері бөлініп, полигондарды экологиялық және санитариялық талаптарға сәйкестендіру бағытында кезең-кезеңмен шаралар жүргізілуде.
Бүгінгі күні, облыстағы 145 полигонның 7-уі (немесе 5%) экологиялық және санитарлық талаптарға сәйкестендірілген.
Соңғы 3 жылда облыста 1,4 млрд. теңгеге жаңадан 2 тұрмыстық қатты қалдықтар полигондарының (Қызылорда, Арал қалалары) құрылысы жүргізілсе, соның 650 млн. теңгесі жеке инвестордың қаржысы есебінен жүзеге асты.
2023 жылы 4 ауданда (Сексеуіл, Жалағаш, Сырдария және Шиелі) жаңа полигондардың құрылысы бойынша жобалық-сметалық құжаттамалары әзірленіп қазіргі уақытта жобалық құжаттамалары мемлекеттік сараптамадан өткізілуде.