Ақпараттық хабарлама

Жұмыс берушілер үшін «Ашық есік күні»

2022 жылдың 29 қыркүйегінде БЖЗҚ онлайн форматта «ЕАЭО-ға қатысушы елдердің еңбекшілерін зейнетақымен қамсыздандыру туралы келісім. Міндетті зейнетақы жарналарын төлеу жөніндегі агенттер – жұмыс берушілер үшін Қордың электрондық сервистерін дамыту» тақырыбында кезекті Ашық есік күнін өткізеді.

Іс-шараға қатысуға заңды тұлғалардың, оның ішінде шағын және орта бизнестің өкілдері шақырылады.

Іс-шараның мақсаты:

-        ҚР зейнетақы жүйесімен таныстыру;

-        ЕАЭО-ға қатысушы елдерде зейнетақымен қамсыздандыру туралы Қазақстан Республикасы халқының хабардарлығын арттыру және ақпараттық-түсіндіру жұмыстарын жүргізу;

-        қатысушыларды «Заңды тұлғаның кабинеті» сервисінің қосымша функцияларымен және мүмкіндіктерімен таныстыру.

Іс-шараны өткізу кезінде салымшыларға (алушыларға) жасалған Келісім аясында ҚР зейнетақы жүйесінің құрылымына, ЕАЭО-ға қатысушы елдерде зейнетақымен қамсыздандыруға қатысты түсіндірмелер беріледі.

Спикерлер сайтта «Заңды тұлғаның кабинеті» бөлімінің қандай жаңа функциялары пайда болғанын және мұның жеке кәсіпкерлер үшін неліктен маңызды екенін әңгімелеп беріп, көрнекі түрде көрсетеді.

Бұдан бөлек, өңірлік бөлімшелердің жауапты қызметкерлері қатысушылардың сұрақтарына жауап беріп, барлық кеңес алғысы келетіндерге жеке кеңестер береді.

«Ашық есік күні» онлайн-форматта 29 қыркүйек Қызылорда қаласы бойынша жергілікті сағат 11:00 (қазақ тілінде), 15:00 (орыс тілінде)  өтеді. Қосымша сұрақтар бойынша 87014829351 ватсап нөміріне хабарласуыңызды сұраймыз.

 

        

БЖЗҚ 2013 жылдың 22 тамызында «ГНПФ «ЖЗҚ» АҚ негізінде құрылды. Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ атынан Қазақстан Республикасының Үкіметі БЖЗҚ-ның құрылтайшысы және акционері болып табылады. БЖЗҚ-ның зейнетақы активтерін сенімгерлік басқаруды Қазақстан Республикасының Ұлттық Банкі жүзеге асырады. 2016 жылдың 1 қаңтарынан бастап зейнетақы активтерін басқару тиімділігін арттыру бойынша ұсыныстар дайындау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) оның зейнетақы жинақтарының жай-күйі туралы ақпарат береді (толығырақ www.enpf.kz сайтында)