Страницы

Статья

Міндетті зейнетақы жарналарын есептеу және аудару тәртібі

Міндетті зейнетақы жарналарын есептеу және аудару тәртібі

БЖЗҚ-ға төленуге жататын мiндеттi зейнетақы жарналары (МЗЖ) МЗЖ1 есептеу үшін алынатын ай сайынғы кірістің 10 пайызы мөлшерінде белгiленедi.

Бұл ретте МЗЖ есептеу үшін алынатын ай сайынғы кіріс республикалық бюджет туралы заңда тиісті қаржы жылына белгіленген ең төмен жалақының 50 еселенген мөлшерінен аспауға тиіс. Бұл ретте МЗЖ есептеу үшiн алынатын ең жоғары жиынтық жылдық кіріс республикалық бюджет туралы заңда тиісті қаржы жылына белгіленген ең төмен жалақының 50 еселенген мөлшерінің он екі мөлшерінен аспауға тиіс.

Назарыңызға алыңыз, МЗЖ төлеуден салық агенттері болып табылмайтын жеке тұлғалармен жасалған, нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша табыс алатын, еңбек шарты бойынша жұмыс істейтін жеке тұлғалар босатылады.

БЖЗҚ-ға аударылатын МЗЖ:

1) Салық кодексінің 319-бабының 2-тармағының 31) тармақшасының тоғызыншы азат жолында көрсетілген тұлғаларды қоспағанда, Салық кодексінің 319-бабының 2-тармағында көрсетілген табыстар мен төлемдерден ұсталмайды;

2) Салық кодексінің 329-бабында, 330-бабының 1-тармағында көрсетілген табыстар мен төлемдерден ұсталмайды;

3) Салық кодексінің 341-бабының 1-тармағының 42), 43)-тармақшаларында (жоғалтқан жалақы (табыс) бөлігінде), сондай-ақ, Салық кодексінің 341-бабының 1-тармағының 12), 26), 27), 50) тармақшаларында белгіленгендерді қоспағанда, Салық кодексінің 341-бабының 1-тармағында көрсетілген табыстар мен төлемдерден ұсталмайды. Бұл ретте БЖЗҚ-да МЗЖ Салық кодексінің 341-бабының 1-тармағының 17) тармақшасының алтыншы азат жолында көзделген табыстардан ұсталмайды.

4) мүгедектер және Салық кодексінің 346-бабының 1-тармағының 2) тармақшасында көрсетілген өзге де адамдар заттай нысанда немесе материалдық пайда түрінде алған табыстар мен төлемдерден ұсталмайды.

МЗЖ аудару

Агенттер МЗЖ-ны қолма-қол төлемсіз аударады.

ЖП, ЖК тұлғалары, сондай-ақ, банктерде және банк операцияларының жекелеген түрлерін жүзеге асыратын ұйымдарда (бұдан әрі - банктер) шоттары бар, азаматтық-құқықтық сипаттағы шарттары бойынша табыс алатын жеке тұлғалар МЗЖ-ны Мемлекеттік корпорацияның келесі деректемелерін көрсете отырып, БЖЗҚ-ға аудару үшін банктерге қолма-қол ақшамен енгізеді:

Бенефициар

«Азаматтарға арналған үкімет» Мемлекеттік корпорация» КЕАҚ

Бенефициар банкі

«Азаматтарға арналған үкімет» Мемлекеттік корпорация» КЕАҚ

Бенефициар БСК

GCVPKZ2A

Бенефициар ЖСК

KZ12009NPS0413609816

Бенефициар БСН

160440007161

ТТК (төлем тағайындау коды)

010