Сырдария ауданында 2020 жылдың I-тоқсанында дінге байланысты атқарылған жұмыстар

Сырдария ауданында  діни ахуал тұрақты. Қазіргі уақытта аудан бойынша 15-мұсылман  мешіті, сонымен қатар жергілікті інжілдік-протестанттар діни бірлестігінің «Қызылорда пресвитриандық «Любовь» шіркеуінің, Тереңөзек кентіндегі филиалы Шіркеуі болып  діни бірлестік жұмыс жасауда.

Аудандағы деструктивті діни ағымдардың алдын алу және діни тұрақтылықты сақтау мақсатында 2020 жылы қаңтар-наурыз  айлары аралығында 10 іс-шара ұйымдастырылып, оған 370 адам қатысты. Аудандық «Тіршілік тынысы» газетінде 2 мақала жарияланды. Ауданда діни ахуалдың тұрақтылығын сақтау, халықтың діни сауатын арттыру, әлеуметтік желідегі діни экстремисттік бағытта құрылған ақпараттардан аулақ болу жайлы, радикалды діни идеологиялардың алдын алу мақсатында кент және ауылдық округтерде, барлық білім беру ұйымдарында жоғары сынып оқушылары және колледж студенттері арасында кездесулер, дөңгелек үстелдер, семинарлар өткізіліп,  «Суицидке жол жоқ», «Деструктивті діни ұйымдардың шырмауынан абай болыңыз!», «Ғаламтордағы экстремистік сайттардан сақ болыңыз!», «Діни экстремизмге жол жоқ», «Діни ағым белгілері және зияны» тақырыбында ақпараттық парақшалар таратылды.

Сонымен қатар, кент орталығында орналасқан такси тұрақтары мен сауда орындарында, діни экстремизм мен терроризм іс-қимылдарын алдын алу,тұрғындарға  өзге ағым өкілдері жайлы және олардан сақтану жолдары жайлы «Тұрғындарды ақпараттандыру» акциясы өткізілді.

Аудан тұрғындары арасында  діни экстремизмнің алдын алу мақсатында   аудан әкімінің өкімімен ақпараттық-насихаттық тобы құрылып, топтың құрамда  мемлекеттік қызметкерлер, ҮЕҰ-дар өкілдері және ауданның бас имамы, қоғам көшбасшылары – 30 адам  қамтылған.