Тұрғын үй-коммуналдық шаруашылық, жолаушылар көлігі және автомобиль жолдары

2026 жылға 4 жоба бойынша жалпы ұзындығы 15,1 шақырымды құрайтын елді мекендердің 18 көшесінің ішкі жолдарын жөндеу жұмыстарына облыстық және аудандық бюджеттен барлығы 740,2 млн. теңге бөлініп, құрылыс жұмыстары атқарылуда.

Атап айтқанда: облыстық бюджет есебінен Тереңөзек кенті көшелерінің автомобиль жолдарына күрделі жөндеу (11-көше, 3,84 км),  Шаған ауылының Ғ.Мұратбаев көшесін күрделі жөндеу (1-көше, 1,3 км) және аудандық бюджет есебінен Шаған елді мекені көшелерінің жол құрылысы, Н.Ілиясов ауылының Н.Ілиясов көшесінің автомобиль жолын қайта жаңғырту (1-көше, 0,7 км) жұмыстары бүгінгі күні 90%-ға орындалды.

Сонымен қатар, Тереңөзек кенті көшелерін күтіп ұстау жұмыстарына, облыстық бюджеттен 500,0 млн. теңге көлемінде қаржы бөлініп, жаңа қоңыстану аймағында барлығы 9-көшеге асфальттау жұмыстары жүргізілуде. 

Жол белгілерін орнату және күтіп ұстау жұмыстары бойынша:

2026 жылға «жол белгілерін орнату және күтіп ұстау, жол үсті таңбаларын сызу» жұмыстарына аудандық бюджеттен 15,7 млн. теңге бөлініп, барлығы 340 дана жол белгілері мен 16 м2 жасанды жол кедергілері орнатылып, 15,4 шақырым жол үсті таңбалары мен 2920 метр жаяу жүргіншілер жолақтары сызылды. Жоспарға сәйкес жұмыстар толығымен аяқталды.

Жолаушылар тасымалы бойынша:

2026 жылға әлеуметтік маңызы бар жолаушылар тасымалын субсидиялауға аудандық бюджеттен барлығы 21,2 млн. теңге қаржы қаралды, оның ішінде Тереңөзек кентішілік маршруттарына 17,9 млн. теңге және ауданішілік «Тереңөзек – Іңкәрдария» маршрутына 3,2 млн. теңге субсидия бөлінді.

Бүгінгі күні, Тереңөзек кентішілік бағыттар бойынша конкурс жеңімпазы тасымалдаушы «Арысбай» ЖК-мен 3 жылға шарт жасалса, «Тереңөзек – Іңкәрдария» маршруты бойынша тасымалдау конкурсы 2024 жылдың ақпан айында ұйымдастырылып, тасымалдау жұмыстары шартқа сәйкес 2027 жылға дейін ЖК «Ахметов» тарапынан атқарылып келеді.

Аудан әкімдігі тарапынан жолаушылар тасымалы тұрақты бақылауға қойылған.