Сырдария ауданының Қалжан Ахун ауылдық округі бойынша дауыс беру күніне дайындық туралы

Сырдария ауданының Қалжан Ахун ауылдық округі бойынша дауыс беру күніне дайындық туралы

1. 24 қазан күні Сырдария ауданының Қалжан Ахун ауылдық округі әкімін сайлауда дауыс беру жергілікті уақытпен сағат 07:00 де басталады.

Қалжан Ахун ауылдық округі әкіміне барлығы 3 кандидат ұсынылды.

Саяси партиямен ұсынылған кандидат саны – 1(«Nur Otan»партиясы), 2-і - өзін-өзі ұсынғандар.

Барлық кандидаттың мемлекеттік қызмет саласындағы уәкілетті органның белгіленген біліктілік талаптарына сәйкестігі анықталды.

Осылайша, сайлауға қатысатын кандидат саны -3.

Дауыс беру жергілікті уақытпен сағат 20.00-ге дейін жалғасады.

Ауылдық округ әкімінің сайлауына 1 сайлау учаскесі, осы учаскелік сайлау комиссиясының 5 мүшесі және аумақтық сайлау комиссиясының 7 мүшесі тартылған.

Тізімге енгізілген сайлаушылар саны 735 адамды құрайды.

Тіркелген кандидаттардың сапалық құрамы

Тіркелген 3 кандидаттың барлығы – мемлекеттік қызметшілер.

Кандидаттардың ішінде 1-і әйел, 2-і ер.

Кандидаттардың ешқайсының ғылыми дәрежесі жоқ, «Болашақ» бағдарламасының түлегі болып табылмайды.

Мамандықтар бөлінісі бойынша: 2-і (66,7%) – экономист, 1-і (33,3%) – мұғалім.

Кандидаттардың орта жасы 39,ең жасы – 29 жаста, егделісі – 46 жаста.

Кандидаттардың барлығының ұлты қазақ.

3 кандидаттың 1-і сол ауылдық округте, 2-і басқа ауылдық округте тұрады.

2. Сайлау бюллетеньдері сайлау округтеріндегі сайлаушылардың жалпы санының 1 пайызы резервімен әзірленіп, сайлау учаскесіне жеткізілді. Сайлау бюллетеньдері орналасқан үй-жайлар хатталып, ішкі істер органдарының күзетіне тапсырылды.
3. Сайлау учаскесінде дауыс беруге арналған үй-жайлар Ортсайлаукомның бекіткен Нұсқаулығына сәйкес жабдықталған.

Сайлау учаскесінде кандидаттар туралы ақпараттық плакаттар, комиссия құрамдары, жоғары тұрған комиссия, сот, прокуратура органдарының телефондары туралы қажетті ақпараттары, УСК қаулыларымен бекітілген дауыс беруге арналған үй-жайдағы тәртіп ережелері бар стендтер ілінген.

Дауыс беру кезінде ерекше қажеттілігі бар сайлаушылар үшін қажетті жағдайлар жасалған. Мүмкіндігі шектеулі сайлаушыларға арналған орындар, кабиналар әзірленген. Көзі нашар көретін сайлаушылар үшін Брайль шрифті қолданылып бюллетень толтыруға қажетті трафарет және тиісті аудиороликтер мен лупа дайындалған.

КОВИД-19 инфекциясының таралуының алдын алу мақсатында сайлау комиссиясы бірретік қорғаныс бетперде, қолғап, қалқанша, халаттың қажетті санымен және антисептикалық құралдармен қамтамасыз етілген. Сайлау комиссиясы сайлауды өткізуге дайын.

Қалжан Ахун ауылдық округі әкімін сайлауда дауыс беруге арналған сайлау бюллетеньдеріне Т.А.Ә. енгізілген кандидаттардың тізімі:

Ақбаров Ғалымжан Науретұлы

Жұманов Алмас Бектібайұлы

Құланшиева Алмагүл Басқынбайқызы