Көшпелі семинар-кеңес

2021 жылдың 29 маусымы күні Сырдария аудандық сайлау комиссиясы «2021 жылдың 25 шілдесіне тағайындалған ауылдық округтері әкімдерінің сайлауын әзірлеу мен дайындығын тексеру мақсатында көшпелі семинар-кеңес өткізді. Семинар-кеңеске ағымдағы сайлау науқанын өткізуді ұйымдастыратын №154, 161, 165 учаскелік сайлау комиссиясының толық құрамы қатысты.

Күн тәртібіндегі мәселе бойынша, аудандық сайлау комиссиясының төрағасы Б.Өтегенова хабарлама жасап, алдағы сайлаудағы УСК мүшелерінің міндеттеріне тоқталды және сайлау науқаны барысында пандемия жағдайында сайлау процесіне қатысушылардың санитарлық қауіпсіздігіне айрықша көңіл бөлінуі қажеттігін атап көрсетті.

Аудандық сайлау комиссиясының мүшесі С.Ерімбет сайлау учаскелерінің дайындығын және сайлау құжаттарын жүргізу туралы хабарлама жасады.

Семинарға қатысушылар пікір алмасып, сайлау науқанын өткізуге қатысты сұрақтарға жауап алды.