Іс-шаралар жоспарының орындалуы туралы мәліметтер (ІІ тоқсан 2020 жыл)

№

Мәселенің мазмұны

Орындалуы

1

Бесарық елді мекеніндегі ауыл ішілік көшелерді асфальттау (С.Минайдаров, Ғ.Мұратбаев) 

Бесарық  елді мекеніндегі  Мінайдаров, Мұратбаев, Тәженов, Әуезов, Өтешов, Тәуелсіздік көшелерінің жалпы ұзындығы 8,43  шақырымды  құрайтын жолдарының орташа жөндеу жұмыстарына жобалық сметалық құжаттама әзірленіп, жалпы құны 246470 мың теңгеге облыстық жолаушылар көлігі және автомобиль жолдары басқармасына 2020 жылға бюджеттік өтінім ұсынылды.

2

Шаған ауылында орналасқан Қазпошта АҚ бөлімшесінің ғимаратына жөндеу жұмыстарын жүргізу

«Казпошта» АҚ филиалының ғимаратына ағымдағы жөндеу жұмыстарын жүргізу жоспарлануда.

3

Қалжан ахун ауылындағы ауылішілік көшелерді жөндеу (Қайқы батыр, Н.Шідербаев)

Қалжан ахун елді мекеніндегі  Қайқы батыр, Н.Шідербаев көшелерінің жалпы ұзындығы 1,57 шақырымды құрайтын  жолдарының орташа жөндеу жұмыстарына жобалық сметалық құжаттама әзірленіп, жалпы құны 40 505,0 мың теңгеге облыстық жолаушылар көлігі және автомобиль жолдары басқармасына бюджеттік өтінім ұсынылды.

Бейнебақылау жүйесін орнату бойынша аудандық бюджетке қаржыландыруға ұсынылды;

Бейбітшілік көшесін жарықтандыруға аудандық бюджеттен қаржы бөлініп, Бейбітшілік көшесі толық жарықтандырылды;

Н.Шідербаев көшесін жарықтандыру жұмыстары аудандық бюджеттен атқарылатын болады.

4

Қалжан ахун елді мекеніндегі дәрігерлік амбулаторияны күрделі жөндеуден өткізу

Облыстық денсаулық сақтау басқармасы арқылы 2020 жылы ағымдағы жөндеу жұмыстары жоспарлануда.

5

С.Сейфуллин ауылындағы ауылішілік көшелерді жөндеу және Сәрке батыр көшесіне жаяу жүргіншілерге арнап тротуар салу

С.Сейфуллин елді мекеніндегі Есқұл, Әбдрей, Әуелбай, Мұрат, Бәйтен батыр, Зейін көшелерінің жалпы ұзындығы 5,94 шақырымды құрайтын жолдарының орташа жөндеу жұмыстарына «Жұмыспен қамту жол картасы» бағдарламасы аясында республикалық бюджеттен 105 142,0 мың теңге бөлініп, жөндеу жұмыстары жүргізілуде.

Сәрке батыр көшесіне тротуар салу жұмыстарының ЖСҚ дайындауға аудандық бюджеттен 215,2 мың теңге бөлініп, жобалық құны 27,9 млн. теңгенің жобалық сметалық құжаттамасы дайындалды.

6

С.Сейфуллин елді мекеніндегі №137 мектепке күрделі жөндеу жұмыстарын жүргізу

№137 мектепке күрделі жөндеу жұмыстарын жүргізуге ЖСҚ дайындауға аудандық бюджеттен қаржы бөлінді.

7

А.Тоқмағамбетов елді мекенінде жаңадан дәрігерлік амбулатория ғимаратын салу

Мемлекеттік-жекешелік әріптестік аясында А.Тоқмағамбетов ауылдық округінде дәрігерлік амбулаторияның құрылысы жобасы бастамасын алды. Жоба құны 164,9 млн. теңге. Қазіргі таңда аталған жоба бойынша облыстық денсаулық сақтау басқармасы арқылы конкурс жарияланды.

8

Тереңөзек кентіндегі Т.Қозыбаев көшесіне тас төсеу жұмыстарын жүргізу

Т.Қозыбаев көшесіне тас төсеу жұмыстарына осы жылы жобалық сметалық құжаттамасы әзірленіп, аталған көшенің тас төсеу жұмыстарына 2021 жылға  бюджеттік өтінім ұсынылатын болады.

9

Тереңөзек кентіндегі Қызылдихан көшесін жарықтандыру

Кенттегі Қызылдихан көшесін жарықтандыруға байланысты ЖСҚ жасату үшін бюджеттен қаржы қарастырылатын болады.