Дене шынықтыру және спорт
Облыс бойынша 21 балалар мен жасөспірімдер спорт мектебінде спорттың 46 түрі бойынша 670 жаттықтырушы-оқытушы 22 655 спортшыны тұрақты оқу-жаттығу процесімен қамтамасыз етуде.
Облысымызда 1494 (12 стадион, 47 спорт кешендері, 1 футбол манежі, 1 жеңіл атлетикалық манеж, 1 есу базасы, 12 ату тирі, 1390 жазықтықтағы құрылғылар, 13 теннистік корт, 1 хоккей корты, 3 ипподром, 9 жүзу бассейні) спорт нысаны бар. Спорт нысандарымен қамтамасыз ету 46,2% құрап отыр.
2025 жылдың 6 ай қорытындысы бойынша 19 – ҚР спорт шебері, 348 – ҚР спорт шеберлігіне кандидат спортшы әзірленді.
Атқарылған жұмыстардың нәтижесінде өңір спортшылары Әлем және Азия чемпионатынан 100 (36 алтын, 22 күміс, 42 қола) медалдарды жеңіп алса, ҚР чемпионаттары мен кубоктарынан 372 (118 алтын, 103 күміс, 151 қола) медальға қол жеткізді.
Бұқаралық дене шынықтыру мен спортты насихаттау мақсатында жыл басынан бері облыс көлемінде 491-ге жуық спорттық іс-шара өткізіліп, оған 98 621 адам қатысты.
Облыстық бұқаралық-спорттық іс-шаралардың күнтізбелік жоспарына сәйкес 9 - ҚР чемпионаты мен кубогы, 18 - республикалық турнир, 4 -халықаралық турнир, 65 - облыстық біріншілік пен турнир өтті.
Облыс бойынша жыл басынан бері 10-ға жуық спорт кешені пайдалануға берілді. Осы жылы облыс көлемінде 6 спорт нысанының құрылыс жұмыстары қарқынды жүргізілуде.
Бұл нысандар жыл соңына дейін пайдалануға берілетін болады.