Тірек қимыл аппараты бұзылған және психоневрологиялық патологиясы бар мүгедек балаларға күндізгі стационар жағдайында арнаулы әлеуметтік қызметтер көрсету бойынша ақпарат
Бүгінгі күні облыста 30 мыңнан астам (І топ - 2970, II топ - 10832, III топ - 11279). мүмкіндігі шектеулі азаматтар бар, оның 4988-і 18 жасқа дейінгі балалар.Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы №165 бұйрығына сәйкес «Халықты әлеуметтік қорғау саласында арнаулы әлеуметтік қызметтер көрсету стандартына сәйкес мүгедектің жеке оңалту бағдарламасы негізінде мүгедек балаларды үйден қызмет көрсету жұмыстары бойынша іске асырылады.1493 мүгедек балаға 276 әлеуметтік қызметкерлер үйден арнаулы әлеуметтік қызметтерді 8 бағыт бойынша көрсетіледі: әлеуметтік-тұрмыстық, медициналық, психологиялық, педагогикалық, мәдени, еңбек, экономикалық, құқықтық.2010 жылдан бастап облыстық жұмыспен қамтуды үйлестіру және әлеуметтік бағдарламасы басқармасы арқылы тірек қимыл аппараты бұзылған және психоневрологиялық патологиясы бар мүгедек балаларға күндізгі стационар жағдайында арнаулы әлеуметтік қызметтер көрсету жобасы бойынша Арал, Қазалы, Жалағаш, Шиелі аудандары мен Қызылорда қаласында 126 мүгедек балаға қызмет көрсетіліп келген. 2015 жылдан бастап алғаш рет Қармақшы, Сырдария және Жаңақорған аудандарында күндізгі болу бөлімшелері жұмыс жасауда.2019 жылға 261 мүгедек балаға күндізгі стационар жағдайында арнаулы әлеуметтік қызметтер көрсетуге республикалық бюджет есебінен 94,7 млн.теңге қаржы бөлініп, нәтижесінде 67,8 млн. теңгеге 187 тірек қимыл аппараты бұзылған және психоневрологиялық патологиясы бар мүгедек балалар арнаулы әлеуметтік қызметтермен қамтылды. Үнемделген 26,8 млн. теңге нақтыланған бюджетте кері қайтарылды. 2020 жылға 151 мүгедек балаға күндізгі стационар жағдайында арнаулы әлеуметтік қызметтер көрсетуге республикалық бюджет есебінен 90,2 млн.теңге қаржы бөлініп, жұмыстар жүргізілуде.