Әлеуметтік әріптестік бөлімі Қызылорда облысы әкімінің төрағалығымен әлеуметтік әріптестік және әлеуметтік-еңбек қатынастарын реттеу жөніндегі облыстық үшжақты комиссияның (ОҮК) жұмысын ұйымдастырады.
ОҮК отырыстары еңбек және әлеуметтік даму саласындағы ең өзекті мәселелерді шешеді. Әлеуметтік әріптестік тараптары үшжақты ынтымақтастықтың барлық деңгейлерінде әлеуметтік диалогты дамыту бойынша көптеген жұмыстар атқаруда.
Облыстық деңгейде әлеуметтік әріптестіктің негізгі тараптары болып Қызылорда облысы әкімдігінің уәкілетті өкілдері, кәсіподақтардың өңірлік бірлестіктері және жұмыс берушілердің өңірлік бірлестіктері табылады.
Сонымен қатар, Бөлім Қазақстан Республикасының Қылмыстық-атқару кодексінің 18-бабына сәйкес (05.07.2014 жылғы № 234-V ҚРЗ) Қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру бойынша Қызылорда облысы әкімдігі жанындағы консультациялық-кеңесші органның жұмысын ұйымдастырады;
пробация қызметінің есебінде тұрған адамдар үшін, сондай-ақ мекемелерден босатылған адамдар үшін жұмыс орындарының квоталарын белгілейді;
Қазақстан Республикасының заңнамасына сәйкес өздеріне қатысты пробация қолданылатын адамдарға әлеуметтік-құқықтық көмек көрсетуге байланысты процесті ұйымдастырады;
мекемелерден босатылған, сондай-ақ пробация қызметінің есебінде тұрған адамдардың жұмыспен қамтылуына жәрдемдесу жөніндегі шараларды қамтамасыз етеді.