2022 жылғы 4 қыркүйекке тағайындалған Шиелі кенті және Жуантөбе, Сұлутөбе, Тартоғай ауылдық округтері әкімдерін сайлаудағы кандидаттарды ұсыну қорытындысы туралы

2022 жылғы 19 тамыз күні, сағат 18:00-де кандидаттарды ұсыну кезеңі аяқталды. Шиелі  ауданы бойынша Шиелі кенті және Жуантөбе, Сұлутөбе, Тартоғай ауылдық округтері әкімдеріне  барлығы 16 кандидат ұсынылды, олардың ішінде 2-і (12,5%) – саяси партиядан, 14-і (87,5%)- өзін өзі ұсыну жолымен ұсынылды.

 Орташа бәсекелестік бір орынға 4 адам құрады.

Қазіргі уақытта ұсынылған кандидаттардың заңнама талаптарына сәйкестігін анықтау және кандидаттарды  тіркеу бойынша шаралар жүргізілуде. Тіркеу 2022 жылғы 24 тамыз, сағат 18:00-де аяқталады.

Үш округтен үштен артық адам ұсынылған.

Кандидаттар шығып қалған және баламалылық болмаған (сайлау округінде екіден аз кандидат) жағдайда, заңнамаға сәйкес ұсыну мерзімі бес күннен аспайтын уақытқа ұзартылады.

«Қазақстан Республикасындағы сайлау туралы» Қазақстан Республикасының Конституциялық заңының 113-5 бабының 9 тармағына сәйкес кандидаттарды тіркеу қорытындылары туралы ақпарат БАҚ жарияланады.