Ішкі саясат

Қазіргі таңда аудан көлемінде кәсіпкерлердің мүддесін қорғау, мүмкіндігі шектеулі балаларға көмек көрсету, көз мүгедектерінің мүддесін қорғау, Ауғанстан және аймақтық соғыс мүгедектерінің мүддесін қорғау, өскелең ұрпақты патриоттық сезімде тәрбиелеу, салауатты өмір салтын насихаттау, ардагерлер мүддесін қорғау, жастар бастамаларын дамыту және басқада бағыттарда 16 қоғамдық бірлестік, 13 қоғамдық қор және облыстық деңгейдегі ұйымдардың филиалдары ұрпақтан-ұрпаққа жұмыс жасайды. Статистикалық мәліметтерге сәйкес Шиелі ауданы бойынша жалпы халық саны 83110 адам, оның ішінде 14-29 жас аралығындағы жастар 20 129. Жастар жалпы халықтың 16,7 % құрайды. Ерлер саны 41627, әйелдер саны 41483. «Діни қызмет және діни бірлестіктер туралы» Қазақстан Республикасының 2011 жылғы 11 қазандағы №483-ІV Заңына сәйкес аудан бойынша Қазақстан мұсылмандары діни басқармасына қарасты 31 мешіт, бұлардан өзге 1 діни бірлестік Әділет органдарында алғашқы және қайта тіркеуден өтіп, жұмыс жасауда.