2025 жылғы 1 маусымға тағайындалған

Шиелі ауданы Ортақшыл және Жаңатұрмыс ауылдық

округтері әкімдерін сайлауда кандидатты қолдап

қол жинауға арналған қол қою парақтары туралы

           

«Қазақстан Республикасындағы сайлау туралы» Қазақстан Республикасының Конституциялық заңының 14-бабының 8-1-тармақшасына, 113-4 бабына сәйкес және Шиелі аудандық сайлау комиссиясының 2025 жылғы 23 сәуірдегі №АСК-25/16 «Ортақшыл және Жаңатұрмыс ауылдық округтері әкімдерінің сайлауын тағайындау туралы» қаулысын негізге алып, Шиелі аудандық сайлау комиссиясы ҚАУЛЫ ЕТЕДІ:

1. Ортақшыл ауылдық округі әкіміне кандидатты қолдап қойылған рас қолдардың қажетті саны осы ауылдық округ сайлаушыларының жалпы санынан кемінде бір пайыз, кемінде 9 қол санында белгіленсін.
2. Жаңатұрмыс ауылдық округі әкіміне кандидатты қолдап қойылған рас қолдардың қажетті саны осы ауылдық округ сайлаушыларының жалпы санынан кемінде бір пайыз, кемінде 7 қол санында белгіленсін.
3. Өзін-өзі ұсынған кандидаттар әзірленген қол қою парақтарының жеткілікті санымен қамтамасыз етілсін.
4. Осы қаулы Шиелі ауданы әкімдігінің ресми интернет-ресурсының «Сайлау» бөліміне орналастырылсын.

 

Шиелі аудандық сайлау

комиссиясының төрағасы                                                          М.Дулатов

 

Шиелі аудандық сайлау

комиссиясының хатшысы                                                         Е.Оспанов

 

 

 

АСК-25/26

05.05.2025 ж.

Дата публикации

15 мая 2025