Қызылорда облысы Шиелі ауданы әкімінің сайлауын тағайындау туралы

Қызылорда облысы Шиелі ауданы әкімінің

 сайлауын тағайындау туралы

«Қазақстан Республикасындағы сайлау туралы» Қазақстан Республикасының Конституциялық Заңының 14-бабының 8-1) тармақшасына, 113-1-бабының 1-тармағының 2 тармақшасына, 2 тармағына сәйкес және Қызылорда облыстық мәслихатының 2023 жылғы 11 қыркүйектегі №45 «Қызылорда облысы бойынша аудан, облыстық маңызы бар қала әкімдерінің сайлауын өткізу үшін пилоттық аудан және облыстық маңызы бар қаланың тізбесін бекіту туралы» және  №46 «Қызылорда облысы бойынша аудан, облыстық маңызы бар қала әкімдерінің сайлауын өткізу күнін белгілеу туралы» шешімдерінің негізінде Шиелі ауданының аумақтық сайлау комиссиясы ҚАУЛЫ ЕТЕДІ:

1. Қызылорда облысы Шиелі ауданы әкімінің сайлауы 2023 жылғы 5 қарашаға тағайындалсын.
2. Осы қаулыға қосымшаға сәйкес 2023 жылғы 5 қарашаға тағайындалған Қызылорда облысы Шиелі ауданының әкімін сайлауды әзірлеу және өткізу бойынша негізгі іс-шаралардың Күнтізбелік жоспары  бекітілсін.
3. Осы қаулы бұқаралық ақпарат құралдарында, аудандық «Өскен өңір» газетінде жариялансын және Шиелі ауданының аумақтық сайлау комиссиясының интернет-ресурсында орналастырылсын.

Төраға                                           М. Дулатов

 Хатшы                                         Э. Бурабаева

 

 Шиелі кенті,

АСК-01/21

15 қыркүйек 2023 жыл

Дата публикации

15 сентября 2023